پاکستان ٹیلی کمیونیکیشن اتھارٹی (پی ٹی اے)کےچئیرمین عظیم باجوہ نےکہا ہے کہ سخت اقدامات کی وجہ سےملک میں  پورنوگرافی ویب سائٹس دیکھنے میں کمی آرہی ہے۔

سینیٹ کی خصوصی کمیٹی کوبریفنگ دیتے ہوئے چئیرمین پی ٹی اے کاکہناتھاکہ بین الااقوامی پروپیگنڈاکیاجارہاہے کہ  پاکستان پورنوگرافی میں پہلےنمبر پرہے، ڈارک ویب کوساری دنیامیں غلط مقاصدکیلئےاستعمال کیاجاتا ہے۔

چئیرمین پی ٹی اے کاکہناتھا کہ  ڈارک ویب کوکنٹرول کرناانتہائی مشکل ہے،اس وقت قوانین بنانےاوراداروں کی تکنیکی صلاحیت بڑھانےکی ضرورت ہے۔ پاکستان میں ایسے واقعات ہورہے ہیں کہ رشتوں کا تقدس ختم ہوگیاہے۔

سینیٹ کی خصوصی کمیٹی سے خطاب کےدوران سینیٹر ستارہ ایاز نے کہاکہ پاکستان آج تک توہین آمیز مواد کی اشاعت کو نہیں روک سکا، توہین آمیز مواد روکنے کیلئے ہر قسم کی قانون سازی کرنے کو تیار ہیں۔

 اس موقع پر ڈائریکٹر سائبر کرائمز ایف آئی اے کا کہناتھا کہ مخالفین کو پھنسانے کیلئے توہین رسالت کا غلط استعمال بھی کیا جا رہا ہے، ایف آئی اے سائبر کرائمز کو افرادی قوت کی شدید کمی کا سامنا ہے۔ایف آئی اے کے پاس صرف15 سائبرکرائم انوسٹیگیٹرز ہیں۔

خصوصی اجلاس میں چئیرمین کمیٹی کاکہنا تھا کہ توہین آمیز مواد نہ روکا گیا تو فیس بک اور ٹویٹر کو پاکستان میں بلاک کر دیں گے۔