مسلم لیگ ن کے مرکزی رہنما و سابق وزیر داخلہ احسن اقبال نے کہا کہ جو شخص عمران خان پر تنقید کرتا ہے، نیب اس کو گرفتار کرلیتا ہے۔

تفصیلات کے مطابق لاہور کے علاقے ماڈل ٹاون میں مسلم لیگ ن کے جنرل سیکرٹری احسن اقبال نے پریس کانفرنس کرتے ہوئے کہا کہ خاموش نہ رہنے کی پاداش میں نیب کیس کی دھمکی دی جارہی ہے۔

احسن اقبال کا کہنا تھا کہ مجھے بھی میسج آ رہے ہیں کہ خاموش نہ ہوئے تو شاہد خاقان عباسی کی طرح آپ کو بھی گرفتار کرلیں گے۔

احسن اقبال نے کہا کہ ہم نیا یا پرانا پاکستان نہیں بلکہ قائد کا پاکستان بنانا چاہتے ہیں اور بے بنیاد مقدموں اور گرفتاریوں سے ہم نہیں ڈرتے جو کرنا کے کرلیں۔

سا بق وزیر داخلہ کا کہنا تھا کہ اس ملک نے ہمیں بہت کچھ دیا ہے اور ہم آنے والی نسل کو آزادی رائے، بنیادی انسانی حقوق کی ریاست دینا چاہتے ہیں۔

کانفرنس میں احسن اقبال نے پاکستانی عوام کا شکریہ ادا کیا جنھوں نے 25 جولائی کو چاروں صوبوں میں یوم سیاہ منا کر ثابت کر دیا کہ چوری شدہ مینڈیٹ سے یہ حکومت آئی تھی اور کل عوام کا احتجاج حکومت پر عدم اعتماد تھا۔

احسن اقبال نے کہا کہ سکیکٹڈ پی ایم کے یہ ایشوز نہیں ہیں کہ کابینہ کے 4 گھنٹے کے اجلاس میں 3 گھنٹے نواز شریف کو ڈسکس کرے ۔

انھوں نے کہا کہ سلیکٹیڈ وزیراعظم 20 سال سے قوم کو معجون بیچتے رہے حالانکہ ان کے پاس کوئی تجربہ یا ٹیم نہیں تھی۔

احسن اقبال کا کہنا تھا کہ موجودہ حکومت میں بیرونی سرمایہ کاری میں 50 فیصد کمی کے ساتھ 10 لاکھ افراد بے روزگار ہو چکےہیں جبکہ4 لاکھ سے زیادہ لوگ غربت کی وجہ سے پریشان ہیں ۔