بدترین انتقامی کارروائیاں موجودہ حکومت کی شناخت بن چکی ہیں،خواجہ آصف

شبین رضا

16th Jul, 2019. 10:52 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بدترین انتقامی کارروائیاں موجودہ حکومت کی شناخت بن چکی ہیں،خواجہ آصف

قومی اسمبلی میں اظہار خیال کرتے ہوئے رہنما مسلم لیگ (ن) خواجہ آصف کا کہنا ہے کہ حکومت معاشی بحران سے توجہ ہٹانے کیلئے شہباز شریف اور ان کے خاندان کو نشانہ بنا رہی ہے، بدترین انتقامی کارروائیاں موجودہ حکومت کی شناخت بن چکی ہیں۔

خواجہ آصف نے کہا کہ جب انیس سو ننانوے میں میرے قائد کو اقتدار سے بے دخل کیاگیاتو کہا گیا کہ اب نوازشریف واپس نہیں آنے والا، لیکن قوم نے دیکھا کہ وہ اب تیسری مرتبہ وزیراعظم بنے، آج میرا قائد جیل میں ہے، لیکن وہ ضرور آئے گا، نواز شریف کا نام مٹانے والے لوگ ختم ہو جائیں گے۔

تفصیلات کے مطابق قومی اسمبلی میں اظہار خیال کرتے ہوئے خواجہ آصف نےمزید کہا کہ رانا ثنا اللہ کے خلاف مقدمہ مضحکہ خیز ہے، سیاسی انتقام برے شگون ہوتے ہیں، نواز شریف پر کرپشن کو کوئی الزام نہیں پھر بھی قید ہیں، ہم این آر او نہیں مانگتے، آخر تک جنگ لڑیں گے، اس جنگ میں نقصان آئین اور عوام کا ہوگا، ہم نے مشرف کی بھی قید کاٹی ہے، اٹک قلعہ میں ہتھکڑیوں کے ساتھ قید کاٹی۔