این آئی سی ایل کیس: عدالت عظمیٰ کا مرکزی ملزم کی گرفتاری کا حکم

عمر اللہ حسینی

30th Jul, 2019. 09:27 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

این آئی سی ایل کیس: عدالت عظمیٰ کا مرکزی ملزم کی گرفتاری کا حکم

سپریم کورٹ نے نیشنل انشورنس کمپنی لمیٹڈ (این آئی سی ایل) کیس کے مرکزی ملزم محسن حبیب وڑائچ کو گرفتار کرنے کا حکم جا ری کر دیا۔

سپریم کورٹ میں این آئی سی ایل کیس کی سماعت ہوئی۔

قائم مقام چیف جسٹس عظمت سعید کی سربراہی میں تین رکنی بینچ نے این آئی سی ایل کیس پر سماعت کی۔

سپیشل پراسیکیوٹر نیب نےعدالت میں دلائل دیے کہ کیس میں مرکزی ملزم محسن حبیب پاکستان میں ہی ہے،محسن حبیب کسی بین الاقوامی ایئرپورٹ سے باہر نہیں گیا۔بیرون ملک روانگی نہ ہونے پر اندازہ ہے کہ ملزم پاکستان میں ہی ہے۔

قائم مقام چیف جسٹس عظمت سعید نے برہمی کا اظہار کرتے ہوئے ریمارکس دیے ملزم پاکستان میں ہے پھر بھی نیب سے پکڑا نہیں جا رہا۔

نیب پراسیکورٹر کو مخاطب کرتے ہوئے قائم مقام چیف جسٹس بولے کہ آپ اندازوں پر بات نہ کریں ٹھوس کوشش کریں۔

جسٹس اعجاز الاحسن نے ریمارکس دیے کہ محسن حبیب بہت بڑے سکینڈل کا ملزم ہے۔ ملزم کواب تک گرفتار کیوں نہیں کیا گیا؟ محسن حبیب کو گرفتار کرکے رپورٹ پیش کریں۔

عدالت نے مرکزی ملزم محسن حبیب وڑائچ کو گرفتار کرنے کا حکم جاری کرتے ہوئے کیس کی سماعت غیر معینہ مدت تک ملتوی کر دی۔