نو مسلم طلبہ ایئرپورٹ سے ڈی پورٹ ہونے کا واقعہ،مفتی نعیم کا شدید رد عمل

عمر اللہ حسینی

03rd Jul, 2019. 06:47 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نو مسلم طلبہ ایئرپورٹ سے ڈی پورٹ ہونے کا واقعہ،مفتی نعیم کا شدید رد عمل

تھائی لینڈ سے ویزہ لیکر آنے والے جامعہ بنوریہ عالمیہ کے نو مسلم طلبہ ایئرپورٹ سے ڈی پورٹ ہونے کے واقعے پر جامعہ بنوریہ کے مہتمم اور ممتاز عالم دین مفتی نعیم کا ردعمل سامنے آیا ہے۔

اپنے ویڈیو پیغام میں انہوں نے کہا کہ جامعہ بنوریہ کو ایئرپورٹ کا وی آئی پی کارڈ ملا ہوا تھا،جامعہ بنوریہ میں50ممالک کےطلبہ آتےہیں، بعض طلبہ زبان نہیں جانتےتو ہم اس کارڈ کی مدد سے انہیں جاکر لےآتے ہیں، یہ کارڈ مجھے50سال سےمل رہاتھا۔

انہوں نے کہا کہ سیکریٹری دفاع نےبھی ہمارے کارڈ کے اجراء کی ہدایت جاری کر رکھی تھی۔چھ ماہ گزرنےکےبعد بھی ہمیں کارڈ نہیں دیاگیا۔

انہوں نے واقعے کا ذمہ دار ایڈیشنل آئی جی اسپیشل برانچ کو ٹھہرایا۔انہوں نے کہا کہ ایڈیشنل آئی جی اسپیشل برانچ ولی االہ دل اس سب کے پیچھے ملوث ہیں، دونوں طلبا کو ایئرپورٹ پر روک دیا گیا، طلباکو 24گھنٹے لاک اپ میں رکھاگیا، اسلام سیکھنے آنے والے طلباکو ڈی پورٹ کردیاگیا۔

مفتی نعیم نے کہا کہ وزیراعظم، آرمی چیف سےمطالبہ کرتا ہوں کہ ولی اللہ دل کوبرطرف کیاجائے۔

ان کا مزید کہناتھا کہ حکومت نے برطرف نہ کیاتو احتجاج کریں گے۔