پاکستان نے بین الاقوامی پروازوں کے لئے اپنی فضائی حدود کھول دیں

رومیصہ ملک

16th Jul, 2019. 01:01 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان نے بین الاقوامی پروازوں کے لئے اپنی فضائی حدود کھول دیں

پاکستان نے منگل سے بین الاقوامی پروازوں کے لئے اپنی فضائی حدود کھول دیں ہیں ۔

تفصیلات کے مطابق پاکستان سول ایوی ایشن کی جانب سے پیر کی شب ہوابازوں کو جاری کیےگئے مراسلے میں پاکستانی فضائی حدود کھولے جانے کے بارے میں بتایا گیا ہے۔

پاکستان نے ساڑھے چار ماہ کی بندش کے بعد اپنی فضائی حدود تمام کمرشل پروازوں کے لیے کھول دی ہے۔

اس حوالے سے سول ایویشن کے نوٹم ونگ کے حکام کا کہنا ہے کہ 15 اور 16 جولائی کی درمیانی شب رات 12 بج کر 10 منٹ سے پاکستان کی فضائی حدود کو ہر قسم کی کمرشل ایئر ٹریفک کے لیے کھول دیا گیا ہے۔

جبکہ سول ایویشن کی جانب سے جاری کردہ اس نوٹم یا نوٹیفکیشن کو ادارے کی ویب سائٹ پر بھی دیکھا جا سکتا ہے۔

واضح رہے کہ فروری میں انڈیا کے زیر انتظام کشمیر کے علاقے پلوامہ میں انڈیا کے نیم فوجی دستے پر خودکش حملے، بالاکوٹ میں انڈین طیاروں کی بمباری اور پھر پاکستان کی جانب سے انڈین جنگی طیارہ گرائے جانے کے واقعات کے بعد دونوں ملکوں میں کشیدگی کے باعث پاکستان کی فضائی حدود تمام کمرشل اور نجی پروازوں کے لیے بند کر دی گئی تھیں ۔