احتساب عدالت کے جج ارشد ملک کی شکایت پر ایف آئی اے سائبر کرائم ونگ نےن لیگ کی اعلیٰ قیادت کے خلاف مقدمہ درج کرلیا ہے۔

تفصیلات کے مطابق جج ویڈیو بلیک میلنگ اسکینڈل کی تحقیقات  میں بڑی پیش رفت سامنے آئی ہے۔

مسلم لیگ ن کی نائب صدر مریم نواز،پارٹی صدر شہباز شریف اورسابق وزیر اعظم  شاہد خاقان عباسی سمیت نیوز کانفرنس کرنے والوں کے خلاف مقدمہ درج کیا گیا۔ پرویز رشید،  خواجہ آصف اور عظمیٰ بخاری  کے علاوہ جج کی ویڈیو بنانے والے میاں طارق،

 میاں رضا اور ناصرجنجوعہ کے خلاف بھی مقدمہ درج کیا گیا۔

ارشد ملک کی جانب سے درج ایف آئی آر کے مطابق مریم نواز اور دیگر نے ویڈیو کا مواد ٹیمپر کیا اور الیکٹرانک فارجری کی، جو ویڈیو دکھائی گئی اس میں ہیرپھیر کی گئی۔

ارشد ملک نے موقف اپنایا کہ وہ دو ہزار سے دو ہزار تین کے درمیان  ملتان میں بطورایڈشنل ڈسٹرکٹ اینڈسیشن جج تعینات تھے۔ میاں طارق نے اُنہیں ورغلاکرنشہ آورچیزکھلائی اورخفیہ طورپروڈیوبنالی، اسےمینیوپلیٹ کرکےبلیک میل کرنےکے لیےغیر اخلاقی ویڈیومیں تبدیل کیاگیا، جس کے بعد میاں طارق نےویڈیون لیگ کےمیاں رضاکوفروخت کی، ناصربٹ ،ناصرجنجوعہ،خرم یوسف اورمہرغلام جیلانی نےدباؤڈالناشروع کیا۔

ایف آئی آر کے مطابق، جاتی امرامیں نوازشریف سےاورمدینہ منورہ میں حسین نوازسےملاقات بھی کروائی گئی۔