شہبازشریف کاسابق وزیراعظم نوازشریف کی فوری رہائی کامطالبہ

ثمرا مظہر

12th Jul, 2019. 10:43 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شہبازشریف کاسابق وزیراعظم نوازشریف کی فوری رہائی کامطالبہ

پاکستان مسلم لیگ (ن) کے صدر اور قائد حزب اختلاف شہبازشریف نےسابق وزیراعظم نواز شریف کے خلاف العزیزیہ ریفرنس کے فیصلے کو کالعدم قرار دینے اوران کی فوری رہائی کا مطالبہ کردیاہے۔

تفصیلات کے مطابق اپوزیشن لیڈر نے احتساب عدالت کے جج ارشد ملک کو ہٹانے سے متعلق بیان دیتے ہوئے کہا کہ احتساب عدالت کے جج کو ہٹانے کے بعد نواز شریف کے خلاف فیصلہ کالعدم ہو چکا ہے۔

ارشد ملک کے جج کو منصب سے ہٹانے کے بعد نوازشریف کو فی الفور رہا کیا جائے،نوازشریف کو جیل میں ایک منٹ بھی رکھنا اب غیر قانونی ہے۔

شہباز شریف کاکہناتھا کہ سچائی ثابت ہونےپر اللہ تعالی کا شکر ادا کرتے ہیں، ویڈیو اور اس سے جڑے تمام حقائق سچ ثابت ہوگئے ہیں۔

انہوں نے کہاکہ نواز شریف کےخلاف دباؤ کے تحت فیصلےدیے گئے،فیصلے کالعدم قرار دیئے جائیں۔اب نواز شریف کو جیل میں رکھنے کا جواز ختم ہو گیا انصاف کے تقاضے پورے کرتے ہوئے انہیں فی الفور رہا کیا جائے۔