وزیر خارجہ شاہ محمود قریشی نے کہا ہے کہ  بھارتی وزیر دفاع راج ناتھ سنگھ نے غیر ذمہ دارانہ بیان دے کر حماقت کی ہے۔

تفصیلات کے مطا بق  وزیر خارجہ شاہ محمود قریشی نے سما جی رابطے کی ویب سائٹ ٹوئٹر پربھا رتی وزیر دفاع راج ناتھ کی جانب سے ایٹم بم کی دھمکی پر درعمل کا اظہار کرتے ہوئے کہا کہ بھارتی وزیر دفاع کا بیان تشدد کی بے لگام خواہش کی یاد دہانی ہے۔

Another damning reminder of India’s unbridled thirst for violence. Contrast to Pakistan’s aggressive efforts to galvanise diplomacy as UNSC met for 1st time formally since ‘65 on IOK validating International dispute status.History reminds fascist warmongering state can never win. pic.twitter.com/YY9vFdjtCp

— Shah Mahmood Qureshi (@SMQureshiPTI) August 17, 2019

انھوں نے مزید کہا کہ پاکستان نے انتھک سفارتی کوششیں کیں، سنہ 1965 کے بعد پہلی بار سلامتی کونسل نے معاملہ متنازع ہونے کی تصدیق کی۔ تاریخ بتاتی ہے فاشسٹ اور جنگی جنون میں مبتلا ریاستیں کامیاب نہیں ہوسکتیں۔

واضح رہے کہ کشمیر سے متعلق وزیراعظم کی جانب سے بنائی گئی خصوصی کمیٹی کا ان کیمرہ اجلاس اسلام آبادمیں جاری ہے، اجلاس میں ڈی جی آئی ایس پی آر بھی شریک ہے۔

ذرائع کے مطابق ان کیمرہ اجلاس کی صدارت وزیرخارجہ شاہ محمود قریشی کررہے ہیں اس کے علاوہ کمیٹی اجلاس میں اٹارنی جنرل، ڈی جی آئی ایس آئی، ڈی جی ملٹری آپریشنز اور ڈی جی آئی ایس پی آر بھی شریک ہیں۔

اس کے علاوہ اجلاس میں آزادکشمیر کے صدر مسعود خان, وزیراعظم راجہ فاروق حیدراور گلگت بلتستان کے گورنر ، چیئرمین پارلیمانی کشمیر کمیٹی سید فخر امام اور امیر جماعت اسلامی سراج الحق بھی شریک ہیں۔

ذرائع کا کہنا ہے کہ اجلاس میں پچاس سال بعد مسئلہ کشمیر پر سلامتی کونسل میں بحث اور آئندہ کے لائحہ عمل پر گفتگوجاری ہے اس کے علاوہ وزیر خارجہ شرکاء کو مقبوضہ کشمیر کی حالیہ صورتحال اور پاکستان کی سفارتی کوششوں و سلامتی کونسل اجلاس پر اعتماد میں لیں گے۔