کراچی میں بابائے قوم کے مزاراورلاہورمیں شاعر مشرق اورمفکر پاکستان علامہ اقبال کےمزار پرگارڈز کی تبدیلی کی پروقار تقریب منعقد کی گئی۔

تفصیلات کے مطابق کراچی میں مزارقائد پراعزازی گارڈز کی تبدیلی کی پروقار تقریب معقد ہوئی جس میں پاک نیوی کے چاق وچوبندکیڈٹس کےدستے نےسیکیورٹی کے فرائض سر انجام دیے۔

پاک نیوی کے چاق وچوبندکیڈٹس کادستہ 48 کیڈٹس پرمشتمل ہے،اعزازی گارڈز کی جانب سےبابائے قوم قائداعظم محمد علی جناح کو سلامی دی گئی۔

اس موقع پر نیول اکیڈمی کموڈورکے کمانڈنٹ عرفان تاج نے پریڈ کامعائنہ کیااور مزار قائد پرفاتحہ خوانی اورپھولوں کی چادرچڑھائی گئی۔  کمانڈنٹ عرفان تاج کی جانب سے مہمانوں کی کتاب میں اپنے تاثرات بھی قلمبند کیے گئے۔

دوسری جانب لاہور میں وزیراعلیٰ پنجاب اور گورنرپنجاب کی جانب سےمفکر پاکستان علامہ اقبال کےمزارپرحاضری دی گئی۔ وزیراعلیٰ عثمان بزداراورگورنرچوہدری سرورنےمزار پر پھولوں کی چدار چڑھائی اور فاتحہ خوانی بھی کی۔

مزار اقبال پرگارڈز کی تبدیلی کی تقریب بھی منعقد کی گئی جس میں جنرل آفیسر کمانڈنگ میجرجنرل محمدیوسف نےبطور مہمان خصوصی شرکت کی ۔ بعد ازاں انہوں نے مہمانوں کی کتاب میں اپنے تاثرات قلمبند کیے۔

مزار اقبال پراعزازی گارڈز کےفرائض پاک فوج کے چاق وچوبند دستے نےانجام دیے۔ اس موقع پرمفکر پاکستان اور شاعر مشرق کوزبردست خراج تحسین پیش کیا گیا۔ مزاراقبال پرسیاسی، سماجی رہنماوں سمیت شہریوں کی بڑی تعداد نےشرکت کی۔