الیکشن کمیشن نے مریم نواز کو پارٹی عہدے سے ہٹانے کی درخواست پر فیصلہ محفوظ کرلیا ہے،فیصلہ ستائیس اگست کو سنایا جائے گا۔
تفصیلات کے مطا بق مریم نواز کو پارٹی عہدے سے ہٹانے سے متعلق درخواست پر چیف الیکشن کمشنر سردار محمد رضا کی زیرسربراہی تین رکنی بنچ نے سماعت کی،ن لیگ کے وکیل نے موقف اپنایا کہ قانون کے مطابق، صرف پارٹی الیکشن چیلنج ہو سکتا ہے لیکن پارٹی کی طرف سے کی گئی نامزدگیاں چیلنج نہیں کی جا سکتیں،مریم نواز کی نامزدگی قانون کے مطابق کی گئی ہے۔
الیکشن کمیشن کے ممبر خیبرپختونخوا، ارشاد قریشی کا کہنا تھا کہ مریم نواز کی نامزدگی کس قانون کے تحت ہوئی، اس کا حوالہ بھی دیں؟
ممبر پنجاب الطاف قریشی نے کہا ، آپ تسلیم کر رہے ہیں کہ مریم نواز کی نامزدگی ہوچکی ہے،پہلے آپ کہتے تھے تعیناتی ہوئی ہے تو درخواست گزار نوٹیفکیشن دے۔
ن لیگ کے وکیل نے موقف اپنایا کہ پارٹی الیکشن کرانا الیکشن کمیشن کا کام نہیں، درخواست ناقابل سماعت قرار دی جائے۔
Advertisement
واضح رہے کہ الیکشن کمیشن نے فریقین کے دلائل سننے کے بعد مریم نواز کو پارٹی عہدے سے ہٹانے کی درخواست پر فیصلہ محفوظ کرلیا
جو ستائیس اگست کو سنایا جائے گا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
