ایف آئی اے نے جج ارشد ملک کی ویڈیو سکینڈل پر رپورٹ تیار کر لی ہے۔

تفصیلات کے مطا بق ایف آئی اے کی انکوائری ٹیم نےن لیگ کے رہنما شہبازشریف اورمر یم نواز سے اس حوالے سے تفتیش کی شہبا زشریف نے تفتیش کے دوران سارا معاملہ مر یم نواز پر ڈال دیاجب کہ مر یم نواز نے سارا معاملہ ناصر بٹ پر ڈال دیا ہے۔

مریم نواز نے دوران تفتیش بتایا کہ جج ارشد ملک کی ویڈیو ناصر بٹ نے بنائی،جج کی ویڈیو بنانے میں میرا کوئی کردار نہیں ہے۔

سپریم کورٹ میں جمع کرائی گئی رپورٹ کے مطابق ایف آئی اے نے شہباز شریف سے سوال کیا کہ پریس کانفرنس میں مریم صفدر کا مخاطب کونسا ادارہ تھا ؟ انہوں نے جواب دیا کہ یہ مریم سے پوچھیں، شہباز شریف نے بیان میں کہا جج کی ویڈیو کا مریم صفدر نے پریس کانفرنس سے چند گھنٹے قبل بتایا، ارشد ملک کی قابل اعتراض ویڈیو دیکھی نہ اس کا علم ہے، مریم صفدر نے آڈیو اور ویڈیو الگ الگ ریکارڈ کرنے کا بتایا۔

ویڈیو کی انکوائری تاحال مکمل نہیں ہوئی اس حوالے سے مزید تفتیش ابھی بھی جاری ہے۔

واضح رہے کہ نائب صدر مر یم نوازکی جانب سے دھماکہ خیز پریس کانفرنس کرتے ہوئے دعویٰ کیا گیا تھا کہ ان کے پاس ایک ویڈیو موجود ہے جس میں احتساب عدالت کے جج ارشد ملک یہ کہہ رہے ہیں کہ انہوں نے نواز شریف کے خلاف نیب ریفرنس میں دباؤ کے تحت فیصلہ دیا۔

مر یم نواز کے اس دعوے کے بعدجج ارشد ملک  نے ایک پریس ریلیز کے ذریعے ان الزامات کی تردید کی، اور شریف خاندان پر جوابی الزام عائد کرتے ہوئے کہا کہ شریف خاندان نے انہیں ان کے حق میں فیصلہ دینے کیلئے بلیک میل کرنے کی کوشش کی، انہیں رشوت دینے کی کوشش کی گئی ۔