وزیراعظم عمران خان نے کہا ہے کہ دنیا کشمیر کو نظر انداز نہیں‌ کر سکتی، آخری دم تک کشمیریوں کے ساتھ کھڑ ے رہیں گے۔

تفصیلات کے مطابق وزیراعظم عمران خان نے امریکی جریدے میں لکھے گئے کالم میں کہا کہ جب سے وزیراعظم بنا ہوں جنوبی ایشیا میں امن ترجیح ہے۔,

عمران خان نے اپنے آرٹیکل میں لکھا کہ اس وقت پوری دنیا خطرے میں ہےاوراس بارجنگ کاخطرہ جوہری سائےمیں ہے۔

وزیراعظم نے کہا کہ بھارت کوظلم سےنہ روکا گیا تو 2ایٹمی ممالک آمنے سامنے ہوں گے، 2 ایٹمی طاقتیں آمنے سامنےآئیں تونتائج پوری دنیاکو بھگتنا ہوں گے۔

عمران خان کا کہنا تھا کہ پاکستان اور بھارت اپنی تلخ تاریخ کے باجود ایک جیسے مسائل کا شکار ہیں، عالمی برادری کو کاروباری فوائد سے بالاترہوکرسوچنا ہوگا۔

وزیراعظم عمران خان کا یہ بھی کہنا تھا کہ دونوں ملک غربت،بےروزگاری،جسے مسائل سے لڑرہے ہیں،پانی کی کمی نے ہمارے کروڑوں شہریوں کو خطرے میں ڈال دیا ہے۔

امریکی جریدے میں لکھے گئے کالم میں انھوں نے کہا کہ انتخابات سے چند ماہ قبل ایک نوجوان کشمیری شخص نے مقبوضہ کشمیر میں بھارتی فوجیوں کے خلاف خود کش حملہ کیا۔

عمران خان نے لکھے گئے کالم میں  کہا کہ الیکشن جیتنے کے بعد پہلی تقریر میں کہا تھا کہ ہم ہندوستان کے ساتھ امن چاہتے ہیں اور بھارت ایک قدم آگے بڑھائے ہم دو قدم آگے بڑھائیں گےلیکن بھارت نے امن کے لئے بات چیت شروع کرنے کی میری ساری کوششوں کو رد کردیا۔

وزیراعظم عمران خان نے میں لکھے گئے کالم میں مزید کہا کہ بھارتی وزیراعظم اور ان کے کئی وزیر آر ایس ایس کے رکن ہیں، آرایس ایس کے ممبرنے ہی گاندھی کا قتل کیا تھا، میں تجارت کے ذریعے تنازعہ کشمیر کو حل کرکے ہندوستان کے ساتھ تعلقات معمول پر لانا چاہتا تھا۔