اپوزیشن جماعتوں کی اے پی سی،شہبازشامل ہو ں گے نہ بلاول

شبین رضا

19th Aug, 2019. 05:19 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اپوزیشن جماعتوں کی اے پی سی،شہبازشامل ہو ں گے نہ بلاول

حزب اختلاف سے تعلق رکھنے والی سیاسی ومذہبی جماعتوں کی آل پارٹیز کانفرنس آج ہوگی۔

تفصیلات کے مطا بق جمعیت علمائے اسلام کے زیر اہتمام اپوزیشن جماعتوں کی آل پارٹیز کانفرنس آج دن گیارہ بجے اسلام آباد میں ہوگی جے یو آئی کے زیراہتمام کانفرنس میں مقبوضہ کشمیرکی صورتحال پر غوراور حکومت کیخلاف مشترکہ لائحہ عمل طے کیا جائیگا۔

کانفرنس میں اپوزیشن کے دو اہم رہنما مسلم لیگ (ن) کے صدر اور قومی اسمبلی میں اپوزیشن لیڈر میاں شہباز شریف اور پاکستان پیپلز پارٹی کے چیئرمین بلاول بھٹو کانفرنس میں شریک نہیں ہوں گے جبکہ مولانا فضل الرحمٰن اپوزیشن کی اے پی سی کی صدارت کریں گے۔

اجلاس میں مسئلہ کشمیر پر اپوزیشن کی مشترکہ حکمت عملی طے کی جائے گی۔ اسکے علاوہ چیئرمین سینیٹ کیخلاف تحریک عدم اعتماد کی ناکامی کا جائزہ لیا جائے گا جبکہ اپوزیشن جماعتیں آئندہ کی مشترکہ حکمت عملی طے کریں گی۔

کانفرنس میں پاکستان پیپلز پارٹی کی جانب سے جو وفد تشکیل دیا گیا ہے اس میں سابق وزیراعظم یوسف رضا گیلانی، نیر بخاری اور فرحت اللہ بابر شامل ہیں

واضح رہے کہ میاں شہباز شریف کمر درد کے عارضے میں مبتلا ہیں اور ڈاکٹرز نے انہیں مکمل آرام تجویز کیا ہوا ہے جبکہ بلاول بھٹو پہلے سے طے شدہ پروگرام کے تحت گلگت بلتستان میں ہوں گے۔