بھارت کی جانب سے لائن آف کنٹرول (ایل او سی) پرفائرنگ کا سلسلہ وقفے وقفے کے ساتھ جاری ہے۔ فائرنگ کےتیجے میں قوم کے ایک اور بیٹے نےفرض کی انجام دہی کے دوران جام شہادت نوش کرلیا۔

پاک فوج کےشعبہ تعلقات عامہ (آئی ایس پی آر)کی جانب سے جاری بیان کے مطابق بھارتی فوج کی بٹل سیکٹر پر فائرنگ سےایک اور سپاہی شہید ہوگیا۔

آئی ایس پی آر کےمطابق سپاہی محمدشیرازفرض کی ادائیگی کے دوران جام شہادت نوش کیا۔

Another brave son of soil laid his life in the line of duty. Sepoy Muhammad Sheeraz embraced shahadat due to Indian firing in Buttal Sector along LOC. pic.twitter.com/BAozVnsuGY

Advertisement

— DG ISPR (@OfficialDGISPR) August 16, 2019

گزشتہ روز بھی  لائن آف کنٹرول پر بھارتی فوج کی بلا اشتعال گولہ باری اور فائرنگ  سے پاک فوج کے  تین  جوان شہید ہوئے۔

پاک فوج کی جانب سے بھرپور جوابی کارروائی کی گئی جس کے نتیجے میں  بھارتی فوج کے پانچ اہلکار ہلاک اور درجنوں زخمی ہوئے جبکہ کئی بنکرز بھی تباہ ہوگئے۔

پاک فوج کے شہیدہونے والے اہلکاروں میں نائیک تنویر ، لانس نائیک تیمور، سپاہی رمضان شامل ہیں ۔

 آئی ایس پی آر کے مطابق بھارت کی جانب سے ایل او سی پر وقفے وقفے سے فائرنگ مقبوضہ جموں و کشمیر کی موجوہ صورتحال سے توجہ ہٹانے کیلئےکی جارہی ہے۔

دفترخارجہ میں بھارتی ڈپٹی ہائی کمشنرکوطلب کیا گیااوربھارت کی جانب سےایل او سی پرفائرنگ پرشدید احتجاج کیا گیا۔

دفترخارجہ کی جانب سے جاری بیان کے مطابق گزشتہ روزبھارت نےلیپا اور بٹل سیکٹر پر بلااشتعال فائرنگ کی گئی جس کے نتیجے میں نائیک تنویر احمد، لانس نائیک تیمور احمد اور سپاہی رمضان شہید ہوئے۔

دفترخارجہ کے مطابق بھارتی فوج  ایل او سی  اور ورکنگ باؤنڈری پر مسلسل شہری آبادی کو نشانہ بنارہی ہےاور بھارت مسلسل جنگ بندی معاہدے کی مسلسل خلاف ورزی کررہا ہے۔

دفترخارجہ نےکی جانب سے جاری بیان میں کہا گیا کہ بھارت کو خبردار کیا ہے کہ جنگ بندے معاہدے کی خلاف ورزی خطے کیلئے خطرہ ہے۔ دفتر خارجہ کی جانب سےبھارت کوکہا گیا ہے کہ وہ جنگ بندی معاہدے کی پاسداری کرے۔