امریکی نائب معاون وزیرخارجہ ایلس ویلز 5روزہ دورے پرپاکستان پہنچ گئیں۔

تفصیلات کےمطابق امریکی نائب معاون وزیرخارجہ کےہمراہ اعلیٰ سطح کا امریکی وفد بھی اسلام آباد پہنچا ہے۔ ایلس ویلزپاکستان میں سیاسی وعسکری قیادت سےاہم ملاقاتیں کریں گی۔

ذرائع کاکہناہےکہ ایلس ویلزکی آج دفترخارجہ میں حکام کے ساتھ ملاقاتیں متوقع ہیں۔ دفتر خارجہ کے حکام سے ملاقات کے بعد پاک امریکا وفود کی سطح پر مذاکرات کئے جائیں گےجس میں پاکستانی دفتر خارجہ کی جانب سے حالیہ بھارتی اقدامات، بالخصوص مقبوضہ کشمیر کےآرٹیکل 370 اور35 اے کے خاتمے کے معاملے کو اٹھایا جائے گا۔

 دفترخارجہ سےملاقات کےدوران امریکی وفد کو پاکستانی موقف سے آگاہ کیا جائے گااوربھارتی جنگی تیاریوں کے معاملے کو بھی امریکی حکام کےسامنےاٹھایا جائےگا۔

بھارت کی جانب سےآزادکشمیراورلائن آف کنٹرول پرعالمی طور پر ممنوع ھتھیاروں کے استعمال کا معاملہ بھی اٹھایا جائے گا۔

ذرائع کاکہناہےکہ مذاکرات میں امریکی وفد کی جانب سے افغان امن عمل اور خطے میں سلامتی کی صورتحال پر تبادلہ خیال کی توقع ہے،پاکستان کی جانب سےحالیہ بھارتی جارحانہ رویہ کے باوجود امن کے فروغ کے لئے اقدامات پر امریکی وفد کو اعتماد میں لیا جائے گا۔

امریکی اورپاکستانی وفودکی ملاقات میں دونوں ممالک کےمابین تعاون کےفروغ اورمختلف ورکنگ گروپوں کی کارکردگی کاجائزہ بھی لیا جائے گا۔

امریکی نائب معاون وزیرخارجہ کےپانچ روزہ دورےمیں کراچی کادورہ بھی متوقع ہے۔