وزیر اعظم عمران خان کا کہنا ہے کہ بھارت  کشمیر سے توجہ ہٹانے کے لیےافغانستان سے دہشت گرد   کشمیر اور بھارت میں داخل ہونے کا جھوٹا دعویٰ کر رہا ہے۔

سماجی رابطے کی ویب سائٹ ٹوئیٹر پر جاری بیان میں وزیر اعظم عمران خان نے کہا کہ  مقبوضہ کشمیر اور بھارت کے جنوبی خطے میں افغانستان سے دہشتگرد داخل ہونے کا بھارتی میڈیا کا دعویٰ جھوٹ  پر مبنی ہے۔

وزیراعظم نے کہا کہ عالمی برداری کو خبردار کرتا ہوں بھارت مقبوضہ کشمیر  میں ہونے والی انسانی حقوق کی خلاف ورزی سے توجہ ہٹانے کے لیےجھوٹا آپریشن کرسکتا ہے ۔

I want to warn the international community that the Indian leadership will in all probability attempt a false flag operation to divert attention from its massive human rights violations & the unleashing of a reign of terror in IOJK.

Advertisement

— Imran Khan (@ImranKhanPTI) August 23, 2019

واضح رہے کہ گزشتہ روز  وزیر اعظم کی زیر صدارت ہونے والے کشمیرکورگروپ کے اجلاس میں فیصلہ کیا گیا  تھا کہ دنیا بھر میں کشمیر کاز کو اجاگر کیا جائے گا۔

اجلاس میں سیاسی، سفارتی اور قانونی محاذ پر کشمیر کا مسئلہ مزید اُجاگر کرنے کی کوششیں تیز کرنے کا فیصلہ کیا گیا۔

کشمیر کور گروپ کےاجلاس میں وزیر خارجہ، وزیر قانون و انصاف، چیئرمین پارلیمانی کمیٹی برائے کشمیر، وزیراعظم کی معاون خصوصی برائے اطلاعات و نشریات، اٹارنی جنرل آف پاکستان اور دیگر سینئر حکام نے شرکت کی۔

کشمیر کور گروپ کے اجلاس میں شرکاء نے کہا کہ سلامتی کونسل اور عالمی برادری نے مقبوضہ کشمیرکی صورتحال کی سنگینی کو تسلیم کیا، انسانی حقوق کی تنظیموں، انسانی بنیادوں پر کام کرنے والے اداروں نے بھی تشویش ظاہر کی۔

شرکا کا کہنا تھا کہ عالمی اداروں نے مقبوضہ کشمیر سے فوری کرفیو اٹھانے کا مطالبہ بھی کیا۔