نمرتاہلاکت کیس میں سندھ ہائیکورٹ کی جانب سےمعاملےکی جوڈیشل انکوائری کی اجازت دےدی گئی۔

تفصیلات کے مطابق چیف جسٹس سندھ ہائی کورٹ احمد علی شیخ نےڈسٹرکٹ اینڈسیشن جج اقبال احمد میتلو کوجوڈیشل انکوائری کے احکامات جاری کردیے ہیں۔

ذرائع کاکہاہے کہ سندھ حکومت نےنمرتا ہلاکت کیس کی تحقیقات کیلئےسیشن جج لاڑکانہ کوخط لکھا تھاجس پر سیشن جج  کی جانب سے سندھ ہائیکورٹ سے معاملے کی جوڈیشل انکوائری کی اجازت طلب کی تھی جس کی منظوری دے دی گئی ہے۔

ذرائع کا کہناہے کہ کیس میں ایف آئی آر کے اندراج کیلئے اعلیٰ حکام سےمشاورت کی جارہی ہے تاہم نمرتا کے خاندان کی نےافسوسناک معالے کی تاحال کوئی مقدمہ درج نہیں کرایاگیا۔

لاڑکانہ ڈی آئی جی اور ایس ایس پی کی جانب سے ڈسٹرکٹ ائینڈ سیشن جج کو نمرتا معاملے پر بریفنگ دے دی گئی۔

ذرائع کے مطابق لاڑکانہ پولیس کی جانب سے بریفنگ کے بعد جوڈیشل انکوائری کیلئے زیرتفتیش افرادکونوٹسز جاری ہونے کا امکان ہے۔

پولیس کی جانب سے یقین دہانی کرائی گئی ہے کہ تحقیقات کادائرہ کارغیر جانبدار اور شفاف طے کیا جائے گا، معاملے پر کسی کا دباو قبول نہیں۔

پولیس نے اب تک نمرتا کےروم میٹس اور سینئرپروفیسرسمیت 40 لوگوں کےبیانات لیے ہیں جس کی روشنی میں مزیدتفتیش کی جارہی ہے۔

خیال رہے کہ نمرتا کے کلاس فیلو مہران ابڑو اور شان علی ابھی بھی پولیس کی حراست میں ہیں۔

نمرتاہلاکت کیس میں پولیس کی جانب سےمختلف زاویوں سے تحقیقات جاری ہے۔ گزشتہ روزپولیس نےنمرتا کی بینک اسٹیٹمنٹ حاصل بھی کرلیں جس کےمطابق نمرتاکے بینک اکاونٹ سے 30 لاکھ روپے سے زائد کی ٹرانزکشنز سامنے آئی ہیں۔

ذرائع کاکہناہےکہ نمرتاکےاکائونٹ سےرقم کی ترسیل پرتحقیقاتی اداروں کی جانب سےتشویش کااظہار کیا گیاہے،تحقیقاتی اداروں نے بینک ٹرانزکشنز کی روشنی میں تفتیشی دائرہ کار مزیدبڑھانے کا فیصلہ کیاہے۔

ذرائع کاکہاہے کہ تفتیشی دائرہ کارکے تحت اس بات کاجائزہ لینے کی ضرورت ہے کہ طالب علم کے اکائونٹ میں اتنی رقم کا بینی فشری کون ہے؟

ذرائع کا کہناہےکہ نمرتا 4غیرسرکاری فلاحی اداروں کےساتھ امدادی سرگرمیوں میں حصہ لے کر غریبوں کی مدد کرتی تھی۔

ذرائع نےامکان ظاہرکیاہےکہ نمرتا کیس میں مزیدگرفتاریاں ہوسکتی ہیں۔نمرتاکی ہلاکت کےبعد ایک ماہ کےکالز ریکارڈ کے مطابق انجہانی طالبہ  نےاہلخانہ سے صرف 4 بارجبکہ ساتھی کلاس فیلومہران کے خاندان سے متعدد بار رابطےکیے۔