چیف آف آرمی اسٹاف کا آرمی میڈیکل سینٹر ایبٹ آباد کا دورہ

شبین رضا

12th Sep, 2019. 09:35 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چیف آف آرمی اسٹاف کا آرمی میڈیکل سینٹر ایبٹ آباد کا دورہ

چیف آف آرمی اسٹاف جنرل قمر جاوید باجوہ نے آرمی میڈیکل سینٹر ایبٹ آباد کا دورہ کیا ہے۔

تفصیلات کے مطا بق اس مو قع پر آرمی چیف کا کہنا ہے کہ دہشت گردی کے خلاف جنگ میں جانیں بچانے میں آرمی میڈیکل سینٹر ایبٹ آباد کا اہم کردار ہے، معیاری صحت کے لیے اے ایم سی ڈاکٹرز کی خدمات ناقابل فراموش ہیں۔

پاک فوج کے شعبہ تعلقات عامہ آئی ایس پی آر کا کہنا ہے کہ آرمی چیف جنرل قمر جاوید باجوہ نے آرمی میڈیکل سینٹر ایبٹ آباد کا دورہ کیا۔ آرمی چیف نے لیفٹیننٹ جنرل خاور رحمٰن کو کرنل کمانڈنٹ اے ایم سی کے بیج بھی لگائے۔

سبکدوش کرنل کمانڈنٹ لیفٹیننٹ جنرل زاہد حامد ریٹائرڈ، حاضر سروس افسران اور جوانوں نے بھی تقریب میں شرکت کی۔

آرمی چیف نے آرمی میڈیکل کور کے دورے کے دوران افسران اور جوانوں سے بات چیت بھی کی۔

آرمی چیف نے ڈاکٹرز اور عملے کی سویلینز اور فوجی جوانوں کے لیے طبی خدمات کو سراہا ، یادگارشہدا پر پھول چڑھائے اور فاتحہ خوانی بھی کی۔

اس موقع پرآرمی چیف نے مزید کہا کہ دہشت گردی کے خلاف جنگ میں جانیں بچانے میں اے ایم سی کا اہم کردار ہے، آرمی میڈیکل کور پاک فوج و دیگر اہم شہریوں کو بہترین سہولتیں فراہم کر رہا ہے۔