الیکشن کمیشن نے مریم نواز کو پارٹی کی نائب صدارت کے عہدے سے ہٹانے کی درخواست پر سماعت 16 ستمبر تک ملتوی کردی ہے۔
تفصیلات کے مطا بق چیف الیکشن کمشنرسردار محمد رضا کی سربراہی میں 3 رکنی بنچ نے پاکستان تحریک انصاف کی جانب سے دائر کی گئی درخواست پر سماعت کی، ایسوسی ایٹ وکیل نے بتایا کہ مریم نواز کے وکیل بیرسٹر ظفر اللہ بیرون ملک ہیں۔
چیف الیکشن کمشنر نے مریم نواز کے وکیل کی عدم موجودگی پر برہمی کا اظہار کرتے ہوئے کہا کہ پچھلی سماعت میں بتانا چاہئے تھا کہ وہ پاکستان میں نہیں ہیں، الیکشن کمیشن نے کیس کی سماعت 16 ستمبر تک ملتوی کردی۔
واضح رہے کہ مریم نواز کے وکیل نے درخواست کے قابل سماعت ہونے پر دلائل میں کہا تھا کہ ایسا کوئی قانون نہیں جس کے تحت پارٹی نائب صدر کا عہدہ چیلنج ہو۔
دوسری جا نب پی ٹی آئی رہنماؤں کے وکیل نے اپنے دلائل میں کہا تھا کہ کہ ن لیگ نے ابھی تک مریم نوازکی تعیناتی کا نوٹیفکیشن نہیں جمع کرایا جبکہ ن لیگ کے ٹوئٹر اکائونٹ پر تعیناتی سے آگاہ کیا گیا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
