پنجاب حکومت نےانسداد ڈینگی کِٹس عوام میں تقسیم کرنے کا فیصلہ کرلیا۔

تفصیلات کےمطابق وزیراعلیٰ پنجاب سردارعثمان بزدارنےانسداد ڈینگی کِٹس تقسیم کرنے کی منظوری دے دی۔

 انسدادڈینگی مہم کےتحت پہلےمرحلےمیں راولپنڈی کےریڈزون ایریامیں انسدادڈینگی کِٹس بانٹی جائیں گی تاہم ضرورت پڑنے پران کِٹس کی تقسیم کا دائرہ کاردیگر علاقوں تک بڑھایا جائے گا۔

وزیراعلیٰ کی ہدایت پرسیکریٹری پرائمری وسیکنڈری ہیلتھ نےانسدادڈینگی کِٹس تیارکرنے کیلئےکام شروع کردیا۔ وزیراعلیٰ نےانسدادڈینگی کِٹس جلدتیار کرکےتقسیم کرنے کی ہدایت بھی جاری کی ہیں۔

وزیراعلیٰ عثمان بزدارکاکہناہےکہ ڈینگی سےنمٹنےکیلئےانتظامی وسیاسی ٹیم کومتحرک کردیا ہے۔انہوں نے کہاکہ گزشتہ روزراولپنڈی،سرگودھا اور فیصل آباد کے دورے کرکے ڈینگی کی صورتحال کا ازخود جائزہ لیا۔

وزیراعلیٰ نے کہاکہ ڈینگی پرقابوپانےکیلئےپنجاب حکومت ہرممکن وسائل فراہم کرےگی، ڈینگی کو مسلسل محنت سے شکست دیں گے۔

وزیراعلیٰ عثمان بزدارکاکہناہےکہ اسپتالوں میں مریضوں کےعلاج معالجےکیلئےضروری دوائیں موجود ہیں، انسداد ڈینگی مہم میں جہاں کمی یا خامی ہے، اس کوفی الفوردورکرنےکاکہہ چکے ہیں۔میں خود انسداد ڈینگی مہم کو لیڈ کررہا ہوں۔

عثمان بزدار نے مزیدکہا کہ بہترین کارکردگی پر ڈاکٹروں، نرسوں اور پیرا میڈیکل اسٹاف کو خصوصی الاؤنس دیا جائے گا۔  ڈینگی کے مریضوں کی دن رات خدمت کرنے والے ڈاکٹرز، نرسز اور پیرا میڈیکل اسٹاف کی خدمات کی قدر کرتے ہیں۔

قبل ازیں وزیراعلیٰ نےالائیڈ اسپتال میں میڈیا سے گفتگوکرتے ہوئے کہاکہ ڈینگی کامسئلہ صرف پاکستان کا نہیں پوری دنیا کا مسئلہ ہے،ڈینگی پرقابوپانےکیلئےکنٹرول روم قائم کردیے ہیں۔

انہوں نے کہا کہ ڈینگی کنٹرول کرنے کے لیے تمام وسائل لگا دیں گے،تمام ارکان اسمبلی کو کہا ہے کہ ڈینگی کنٹرول میٹنگ میں شرکت کریں۔