پاکستانی کرکٹ ٹیم کے سابق ما یہ ناز کھلا ڑی وسیم اکرم کی اہلیہ شنیرا اکرم  نے کراچی کے ساحل کی صفائی کرنے والے حکومتی اہلکاروں کو خراج تحسین پیش کیا ہے۔

Meet THE INCREDIBLES, our Heroes who wear their uniform proudly like armour protecting them from their filthy nemesis, the ugly monster that is consuming our city and washing up on our beach. They fight the good fight everyday so that our children can play safety on our beach👏🏼💪 pic.twitter.com/02hgTcOX8R

— Shaniera Akram (@iamShaniera) September 16, 2019

تفصیلات کے مطابق سماجی رابطے کی ویب سائٹ ٹوئٹر پر شنیرا اکرم نے ٹوئٹ کرتے ہوئے کہا ہے کہ یہ ہیں ہمارے ہیرو ، جو نہایت فخر سے یونیفارم پہن کر ’غلاظت کے جن‘ سے روزانہ ڈٹ کر جنگ کرتے ہیں، اُس غلاظت کے جن سے جو اس شہر کو کھارہا ہے، تاکہ ساحل پر کھیلنے والے ہمارے بچے محفوظ رہ سکیں، یہ ایک اچھی لڑائی لڑ رہے ہیں۔

واضح رہے کہ وسیم اکرم کی اہلیہ شنیرا اکرم نے چند روز قبل ہی ٹوئٹر پراپنے ایک پیغام میں ساحل سمندر پرپڑی ہوئی استعمال شدہ سرنجوں کی  ویڈیوز اور تصاویر ٹوئٹ کرتے ہوئے کراچی کی انتظامیہ سے مطالبہ کیا تھا کہ کلفٹن کے ساحل کو عوام کے لیے بند کر دیا جائے۔

انہوں نے یہ بھی کہا تھا کہ سی ویو اس وقت انتہائی خطرناک ہوگیا ہے، سی ویو کراچی پر کئی کلومیٹر تک استعمال شدہ سرنج اور اسپتال کا فضلہ بکھرا پڑا ہے۔

انھوں نے مزید کہا تھا کہ وہ 4 سال سے سی ویو پر مارننگ واک کر رہی ہیں لیکن اسپتال کا نا کارہ فضلہ دیکھ کر آج خوف زدہ ہو گئیں ہیں۔

شنیرا اکرم کے ٹوئٹ کے بعد وزیراعلیٰ سندھ مراد علی شاہ کے حکم پر ڈپٹی کمشنر ساوتھ کراچی سید صلاح الدین احمد نے پولیس افسران کے ہمراہ کلفٹن ساحل سمندر کا دورہ کیا تھا اور فوری طور پر صفائی کا بھی حکم دے کر اس پر عمل در آمد کر نے کی ہدایا ت کی تھی۔