وزیر اعظم عمران خان کے زیرصدارت وفاقی کا بینہ کا اہم اجلاس آج ہو گا۔

تفصیلات کے مطا بق اس اجلاس میں مقبوضہ کشمیر کی تا زہ ترین صورتحال اور وزیراعظم کےدورہ امریکا سمیت دیگر معاملات پر غور کیا جائے گا۔ 

وزیر اعظم کی زیرصدارت اجلاس میں 19 نکاتی ایجنڈے پر غور کیا جائے گا جس میں مقبوضہ کشمیر کی موجودہ صورتحال ،وزیراعظم کےدورہ امریکا و سعودی عرب پرتفصیلی گفتگو ،سی پیک و توانائی منصوبوں سے متعلق بھی اہم فیصلے کیے جائیں گے ۔

واضح رہے کہ گزشتہ ہفتے ہونے والا وفاقی کابینہ کا اجلاس پارلیمنٹ کے مشترکہ اجلاس کے باعث ملتوی کر دیا گیا تھا۔

وفاقی کا بینہ کے اجلاس میں مقبوضہ کشمیر کی صورتحال، ملکی سیاسی و پارلیمانی امور کا جائزہ لیا جانا تھا،اس کے علا وہ  کابینہ اجلاس میں عالمی رہنماؤں سے روابط اور سفارتی کوششوں پر بریفنگ بھی دی جانی تھی ۔

پاک چین اقتصادی راہداری اتھارٹی کے قیام سے متعلق سفارشات کا جائزہ لینے کے ساتھ ساتھ پاک چین اقتصادی راہداری منصوبے سے متعلق کابینہ کمیٹی کے فیصلوں کی توثیق بھی کی جانی تھی۔

سی پیک و حکومتی منصوبوں کے لئے چینی باشندوں کے وزٹ ویزہ کو ورک ویزہ میں بدلنے کی منظوری کا معاملہ بھی کابینہ کے ایجنڈے کا حصہ تھا۔

وفاقی کابینہ کے اجلاس میں توانائی کمیٹی اور اقتصادی رابطہ کمیٹی کے فیصلوں کی توثیق بھی  کرنا تھی ،ائرلائن کے لئے نئے فضائی لائسنس کی منظوری اور ایک لائسنس کو منسوخ  کرنے کا معاملہ بھی کابینہ اجلاس میں پیش کیا جانا تھا۔