وزیر اعظم عمران خان نے کہا ہے کہ بھارت کشمیرمیں آبادی کاتناسب تبدیل کرناچاہتا ہے لیکن ڈیموگرافی تبدیل کرنا اقوام متحدہ کی قراردادوں کی خلاف ورزی ہے۔

وزیراعظم عمران خان نے نیویارک میں پریس کانفرنس کرتے ہوئے کہا ہے کہ میں نیو یارک اس لیےآیاکہ بتاسکوں کشمیرمیں کیا ہو رہا ہے، پچھلے پچاس روز سے کشمیر سے متعلق خبروں کا مکمل بلیک آوٹ ہے جبکہ مقبوضہ کشمیرکی سیاسی قیادت جیل میں ہیں۔

عمران خان کا مزید کہنا تھا کہ مقبوضہ کشمیرمیں حالات بہت مشکل ہوتے جا رہے ہیں، 80 لاکھ افرادکھلی جیل میں ہیں جس کی کوئی مثال نہیں ملتی ہے لیکن اب مقبوضہ کشمیر کے لوگوں کو حق خودارادیت کا حق ملنا چاہیے۔

پریس کانفرنس کرتے ہوئے عمران خان کا کہنا تھا کہ مسئلہ کشمیرپردو ایٹمی طاقتیں آمنے سامنےآسکتی ہیں جبکہ کوئی بھی عقل مند آدمی ایٹمی جنگ کاسوچ بھی نہیں سکتا ہے۔

وزیر اعظم عمران خان نے افغانستان کے متعلق کہا ہے کہ امریکی صدر نے ایران سے ثالثی کرنے کا کہا ہے کیونکہ افغانستان میں خانہ جنگی پورے خطے کو متاثرکررہی ہے اب کوشش ہے کہ طالبان اورامریکہ کے درمیان دوبارہ بات چیت شروع ہوجائے۔

دوسری جانب بھارت کے معاملے پر بات کرتے ہوئے عمران خان کا کہنا تھا کہ بھارت جھوٹا پراپیگنڈا کررہا ہے کہ پاکستان سے دراندازی ہورہی ہے کیونکہ پاکستان نے جذبہ خیرسگالی کے تحت بھارتی پائلٹ کو رہا کیا اور پلوامہ حملے پر بھارت سے ثبوت مانگے تو بمباری کی گئی اور ساتھ  ہی ساتھ  بھارت سے ہمیشہ مذاکرات سے انکار ہی رہا ہے اور اگر اب اگرکچھ ہوا تو اس کے اثرات برصغیر سے باہر تک جائیں گے۔