پاک فوج کے شعبہ تعلقات عامہ کےڈائریکٹرجنرل (ڈی جی) آئی ایس پی آرمیجر جنرل آصف غفورنے کہاہےکہ بھارت خطے کوجنگ کی جانب دھکیل رہاہے۔

ڈی جی آئی ایس پی آرنےنیوزبریفنگ کے دوران کہاہے کہ بھارت خطے کوجنگ کی جانب دھکیل رہا ہے، بھارت کوسجھ لینا چاہیئے کہ جنگیں صرف ہتھیار اور معیشت سےنہیں لڑی جاتیں۔ جنگیں حب الوطنی اور جذبہ ایمانی سےلڑی جاتی ہیں۔

ڈی جی آئی ایس پی آر نے کہاکہ بھارت کو27فروری یاد رکھناچاہیئے،شاہین تیار بیٹھے ہیں،بھارت کےبھیجے گئے جہازکاکیاحال ہواوہ سب کے سامنے ہے۔ بھارت نے جنگی طیاروں کے ذریعے جارحیت کی، دنیاکےسامنے ہے کہ بھارتی جارحیت کامنہ توڑجواب دیا گیا۔

پاک فوج کے ترجمان کاکہاہے کہ بھارت میں ہٹلر کے پیروکار حکومت ہے۔ مودی حکومت نہرو کے نظریے سے بھی منہ موڑ چکی ہے۔ پاکستان کی ہمیشہ سے کوشش رہی ہےکہ کشمیر کاپرامن حل نکلے،وزیراعظم نے پہلی تقریرمیں بھارت سےمخلصانہ مذاکرات کی پیشکش کی تھی۔

انہوں نے کہا کہ خطے کےقدم امن کی جانب بڑھ رہے ہیں۔ خطے میں عالمی طاقتوں کے مفادات ہیں۔ مسئلہ کشمیرکاحل پاکستان کے مفاد میں ہے۔ ملک کے حالات پرخطےکے حالات اثر اندازہوں گے۔ بھارت میں اقلیتیں محفوظ نہیں ہیں۔

آئی ایس پی آر کے ترجمان کاکہناتھاکہ بھارت یہ کیسے سوچ سکتاہے کہ کشمیرپراس سے ڈیل ہوگی،72 سال سے کمشیرکازپر پیچھے نہیں ہٹےتو اب کیوں ہٹیں گے؟ کشمیر کیلئےآخری گولی، آخری سپاہی اور آخری سانس تک لڑیں گے۔کشمیرکی خاطرکوئی بھی قدم اٹھائیں گے۔

ترجمان پاک فوج کاکہناتھا کہ بھارت کشمیر کی جدوجہد آزادی کودہشت گردی قرار دینا چاہتا ہے، مقبوضہ کشمیرمیں کشمیریوں کی نسل کشی کی جارہی ہے۔ بھارت چاہتاہےمقبوضہ کشمیرکی ڈیموگرافی ایسی بدلی جائےکہ مسلمانوں کاوہاں رہنامشکل ہوجائے۔ ہم کشمیریوں بھائیوں کے ساتھ ہیں اور ساتھ کھڑے رہیں گے۔

ترجمان کاکہناتھا کہ پاکستانی میڈیانےمقبوضہ کشمیرکاایشو بہت اچھے طریقے سےاجاگر کیا۔ بھارت کے اپوزیشن لیڈر کومقبوضہ کشمیرکادورہ بھی نہیں کرنے دیاگیا۔ بھارت نہیں چاہتا پاکستانی فوج مغربی سرحد سے ہٹے۔ بھارت کواب ڈائیلاگ کی یک طرفہ پیشکش نہیں ہوگی۔

ترجمان پاک فوج نےعندیہ دیتے ہوئے کہا کہ بھارت کی جانب سےلائن آف کنٹرول پر کوئی اشتعال انگیزی ہوسکتی ہے۔

ڈی جی آئی ایس پی آرکاکہناتھاکہ پاکستان اوراسرائیل کےتعلقات سےمتعلق پروپیگنڈاکیاجارہاہے۔

اسرائیل کوتسلیم کرنے سے متعلق باتیں پروپیگنڈا پرمبنی ہیں۔