وزیرخارجہ شاہ محمود قریشی نے کہاہے کہ بھارتی سپریم کورٹ کا فیصلہ بہت بڑی کامیابی ہے،بھارتی سپریم کورٹ کےفیصلے سےکشمیریوں کا حوصلہ مزیدبلندہوگا۔

تفصیلات کے مطابق وزیر خارجہ نےبھارتی سپریم کورٹ کے فیصلے کو خوش آئندقرار دیتے ہوئے کہا کہ بھارتی عدالت بھی مودی حکومت کے اقدام سےخائف ہے۔

شاہ محمود قریشی نے کہاکہ بھارتی سپریم کورٹ نے فیصلہ دیاہے کہ مقبوضہ کشمیرمیں کرفیو ختم کیا جائے اور حالات کو معمول پر لایا جائے، اگر ایسا نہ کیا توبھارتی آئین ناپید ہوجائے گا۔

وزیر خارجہ کا کہناتھا کہ بھارتی حکومت تمام عالمی قوانین کوپامال کررہی ہے۔

وزیرخارجہ شاہ محمود قریشی نے کہا کہ پاکستان ہرمحاذ پر مقبوضہ کشمیر کا معاملہ اٹھاتا رہےگا۔

واضح رہے کہ نئی دلی کی سپریم کورٹ میں مقبوضہ کشمیر کی خصوصی حیثیت ختم کرنے کیخلاف درخواست پر سماعت کی ۔ جس کے دوران عدالت نے مودی حکومت کو الٹی میٹم دیتےہوئے مقبوضہ کشمیر میں حالات کوجلد از جلدمعمول پر لانے اور کرفیوختم کرنے کا حکم دیتے ہوئے مودی سرکار کے اقدام کو غیرآئینی اور غیرجمہوری قرار دیاہے۔

بھارتی سپریم کورٹ نےحکومت کومقبوضہ کشمیر میں کرفیو ہٹانے کا حکم دیتےاور معمولات زندگی بحال کرنے کا آرڈر جاری کرتے ہوئے کانگریس رہنما فارق عبداللہ کی رہائی کی درخواست پر بھی جموں و کشمیرحکومت کونوٹس جاری کئے ہیں۔

بھارتی عدالت نے کانگریس رہنما غلام نبی آزاد کو مقبوضہ کشمیرجانے کی اجازت بھی دی ہے۔ چیف جسٹس سپریم کورٹ نے کہا ہے کہ ضرورت پڑی تو وہ خود بھی مقبوضہ وادی کا دورہ کریں گے۔

خیال رہے کہ بھارتی عدالت نے غلام نبی آزاد کومقبوضہ جموں و کشمیر کادورہ کرنے کی اجازت دی ہے تاہم انہیں وہاں ریلی نکالنے یاتقریر کرنے کی اجازت نہیں دی گئی ہے۔