پاکستان نے لائن آف کنٹرول کی نگرانی کرنے والے اقوام متحدہ مشن کو مضبوط کرنے کا مطالبہ کردیا۔

تفصیلات کے مطابق اقوام متحدہ میں پاکستان کی مستقل مندوب ملیحہ لودھی نے کہا ہے کہ کہ 5 اگست کے بعد بڑھتی بھارتی اشتعال انگیزی میں یواین ایم او جی آئی پی کا کردار مزید اہم ہے۔

پاکستانی سفیر نے کہا کہ ملیحہ لودھی نے سلامتی کونسل میں امن مشنز کی کارکردگی پرمباحثے میں ایل او سی کی نگرانی کرنے والے یو این مشن کو مضبوط کرنے کا مطالبہ کردیا۔

پاکستانی سفیر نے کہا کہ یواین ایم او جی آئی پی کو بھارتی اشتعال انگیزی اور لائن آف کنٹرول کی خلاف ورزیوں کی نگرانی کے طریقہ کار مزید سخت کرنا چاہیے،5 اگست کے بعد بڑھتی بھارتی اشتعال انگیزی میں یواین ایم او جی آئی پی کا کردار مزید اہم ہے۔

ملیحہ لودھی نے مزید کہا کہ یواین ایم او جی آئی پی کی رپورٹنگ ذمہ داریوں میں بھی اضافہ ہونا چاہیے۔

یاد رہے کہ گزشتہ روزاقوام متحدہ میں پاکستان کی مسقتل مندوب ملیحہ لودھی نےسیکرٹری جنرل انتونیو گوتیریز سےملاقات کے دوران مسئلہ کشمیر کی جانب توجہ دلاتے ہوئے کہا کہ کشمیرکی صورتحال بدتدریج بگڑتی جا رہی ہے۔

ملیحہ لودھی کی جانب سے سیکرٹری جنرل انتونیو گوتیریز سےملاقات میں بتایا گیا کہ  ۵ اگست کے غیر قانونی بھارتی اقدامات نے کشمیر میں متعدد بحرانوں کو جنم دیا ہے۔خطے میں امن کو سنگین خطرات لاحق کرنے کے ساتھ ساتھ بھارت نے مقبوضہ کشمیر میں انسانی حقوق کی شدید خلاف ورزیاں کی ہیں ۔

انہوں نے کہا کہ کشمیر میں ایک بڑے انسانی المیہ کے پیدا ہونے کا شدید خدشہ ہے۔ پینتیس دن سے کشمیر میں نافذ کرفیو نے نہ صرف معمولات زندگی کو مفلوج کر دیا ہے بلکہ پوری وادی کو ظلمت میں دھکیل دیا ہے۔

ملیحہ لودھی کا کہنا تھا کہ کشمیر میں 35 دن سے نافذ کرفیو نے معمولات زندگی کو مفلوج کیا ہے، کرفیو نے پوری وادی کو ظلمت میں دھکیل دیا ہے، بھارتی اقدامات عالمی قوانین اور سلامتی کونسل کی قرادادوں کی واضح خلاف ورزی ہیں۔

ملیحہ لودھی کاکہناتھا کہ بھارتی اقدامات عالمی قوانین اورسلامتی کونسل کی قرادادوں کی واضع خلاف ورزی ہیں ۔ سیکرٹری جنرل کو اپنے “تنازعات سے بچاؤ کی سفارتکاری” کے ایجنڈے کو کشمیر پر بھی لاگو کرنا چاہیے ۔

انہوں نے کہا کہ اقوام متحدہ کو قانون ،انصاف اور انسانی حقوق کی بالادستی کے لیے آواز اٹھانی ہوگی۔ کشمیر میں جاری ظلم پر پاکستان کبھی خاموش نہیں رہے گا۔