وزیر اعظم عمران خان نے نیو یارک میں معروف اخبار نیو یارک ٹائمز کے اداریاتی بورڈ سے ملاقات کی۔

ملاقات میں نیو یارک ٹائمز کے اداریاتی بورڈ سے گفتگو کرتے ہوئے وزیراعظم نے بھارت کے غیر قانونی اور یکطرفہ جموں و کشمیر پر تسلط اور وہاں ہونے والی انسانی حقوق کی خلاف ورزیوں کے بارے آگاہ کیا۔

وزیر اعظم کا کہنا تھا کہ عالمی برادری اور اقوام متحدہ کی یہ زمہ داری ہے مسئلہ کشمیر حل کرائے۔

وزیر اعظم عمران خان کا مزید کہنا تھا کہ یہاں اس لئے آیا ہوں کے دنیا کو باور کراؤں کے ہندوستان بین الاقوامی قوانین کی خلاف ورزی کر رہا ہے۔

یاد رہے اس سے کچھ دیر قبل وزیراعظم عمران خان نےنفرت آمیز تقاریر کے خلاف کانفرنس سے خطاب کرتے ہوئے کہا تھا کہ کسی نےبھی ہندومذہب کودہشت گردی سےنہیں جوڑا کیونکہ مذہب کا دہشتگردی سے کوئی تعلق نہیں۔

عمران خان نے یہ بھی کہا کہ نائن الیون کےبعد دہشتگردی کومسلمانوں سےمنسلک کیا گیا جبکہ نائن الیون سے پہلے75فیصد خودکش حملےتامل ٹائیگرزنے کیے جو کہ ہندو تھے۔

وزیراعظم نے یہ بھی کہا کہ بدقسمتی سےانتہاپسندی اورخودکش حملوں کوبھی اسلام سےجوڑاگیا اور نبی کریمﷺکی شان میں گستاخی سےمسلمانوں کی شدید دل آزاری ہوتی ہے۔

عمران خان کا کہنا تھا کہ کسی بھی معاشرےمیں بنیادی حقوق سےمحرومی انتہاپسندی کوجنم دیتی ہے، مغربی ملکوں میں رہنے والے مسلمانوں کو اسلاموفوبیاکا سامنا ہے۔

وزیراعظم کا مزید کہنا تھا کہ کسی بھی کمیونٹی کو پسماندہ رکھنے سے بنیاد پرستی جنم لیتی ہے، دنیا بھر میں کمیونٹیز کے درمیان برداشت اور ایک دوسرے کو سمجھنے کی ضرورت ہے۔