غیرسرکاری تنظیم کے زیر اہتمام کشمیر کانفرنس سے خطاب کرتے ہوئے پیپلزپارٹی کی رہنما شیری رحمان نے کہا ہےکہ مقبوضہ کشمیر کی موجودہ صورت حال انتہائی تشویش ناک ہے۔

تفصیلات کے مطا بق اس موقع پر شیری رحمان کا کہنا تھا کہ مقبوضہ کشمیر کی موجودہ صورت حال کی وجہ سے خطے کا امن داؤ پرلگ چکا ہے۔

انہوں نے مزید کہا کہ ذرائع ابلاغ پر پابندی سے کشمیر کی صورت حال غیرواضح ہے، مقبوضہ کشمیر میں دوران کرفیو بدترین مظالم کی اطلاعات ہیں، خطے کی تیزی سے بگڑتی صورت حال کا ذمہ دار پاکستان نہیں بھارت ہے، بھارت خطے کو انتہا پسندی کی جانب دھکیل رہا ہے۔

واضح رہے مقبوضہ کشمیر میں آج مسلسل 29ویں روز بھی کرفیو برقرار ہے اور مواصلات کا نظام مکمل پر معطل ہے، قابض انتظامیہ نے ٹیلی فون سروس بند کررکھی ہے جبکہ ذرائع ابلاغ پرسخت پابندیاں عائد ہیں۔

کشمیرمیڈیا سروس کے مطابق مواصلاتی نظام کی معطلی، مسلسل کرفیو اور سخت پابندیوں کے باعث لوگوں کو بچوں کے لیے دودھ، زندگی بچانے والی ادویات اور دیگر اشیائے ضروریہ کی شدید قلت کا سامنا ہے۔

 وزیر خارجہ نے تین ستمبر کو لندن میں بھارتی ہائی کمیشن کےباہراحتجاج کرنے بھی اعلان کیا کرتے ہوئے کہا تھا کہ امیدہے کہ یورپین پارلیمنٹ  انسانی حقوق کیلئےکردارادا کرے گی۔