سکھ بھائی جتنا آج پاکستان کے قریب آئے ماضی میں مثال نہیں ملتی،عثما ن بزدار

شبین رضا

01st Sep, 2019. 06:18 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سکھ بھائی جتنا آج پاکستان کے قریب آئے ماضی میں مثال نہیں ملتی،عثما ن بزدار

وزیر اعلیٰ پنجاب سردار عثمان بزدار نے کہا ہے کہ پاکستان میں سکھوں سمیت تمام اقلیتوں کو مکمل مذہبی آزادی ہے، سکھ بھائی جتنا آج پاکستان کے قریب آئے ماضی میں مثال نہیں ملتی۔

ان خیالات کا اظہار انہوں نے لاہور گورنر ہاؤس میں بین الاقوامی سکھ کنونشن سے خطاب کرتے ہوئے کیا، عثمان بزدار نے کہا ہے کہ حکومت نے ننکانہ صاحب میں بابا گرو نانک یونیورسٹی کاسنگ بنیاد رکھ دیا ہے،ننکانہ صاحب کی سڑکوں کی تعمیر کیلئے 15کروڑ روپے فراہم کیے گئے ہیں، سڑکوں کی تعمیر سے سکھ یاتریوں کو بہترین سہولتیں میسر ہوں گی۔

مقبوضہ کشمیر کی موجودہ صورتحال سے متعلق ان کا مزید کہنا تھا کہ پاکستان اور کشمیر کبھی جدا نہیں ہوسکتے، مودی سرکار کو سمجھ لینا چاہیے کہ مسلمانوں کی نسل کشی کے ایجنڈے کے تباہ کن نتائج سامنے آئیں گے،وزیر اعظم کی اپیل پر پاکستان کے ہر شہر میں مقبوضہ کشمیر میں بھارتی ظلم و ستم کیخلاف پرزور انداز میں آواز بلند کی گئی۔

انہوں نے کہا کہ پرعزم پاکستانی قوم نے نہتے کشمیری عوام کے ساتھ مکمل یکجہتی کا اظہار کرکے واضح پیغام دیاہے، میں یوم یکجہتی کشمیر پر عوامی اجتماعات میں پنجاب کے عوام کی بھرپور شرکت پر ان کا تہہ دل سے شکریہ ادا کرتا ہوں۔