بلاول بھٹو زرداری نے ‏موجودہ حکومت کے خلاف جمیعت علمائے اسلام ف کے سربراہ مولانا فضل الرحمان کے اسلام آباد مارچ اور لاک ڈاؤن کی حمایت کردی ہے ۔

تفصیلات کے مطا بق جامشورو میں میڈیا کے نمائندوں سے با ت چیت کر تے ہوئے بلاول بھٹو نے کہا کہ مولانا فضل الرحمان اسلام آباد میں ہونگے اور میں پورے ملک کا دورہ کروں گا۔

بلاول بھٹو نے کہا ہے کہ حکومت غیر جمہوری رویے اپنا رہی ہے، پاکستان ایک خاندان کی طرح ہے اور ہم اس خاندان کو قائم و دائم رکھیں گے۔

انھو ں نے کہا کہ پیپلزپارٹی نے ہر دور میں آمر کا مقابلہ کیاہےاورموجودہ حکومت کے آمرانہ ہتھکنڈوں کا مقابلہ بھی کرینگے، کشمیرکازپرکوئی سمجھوتہ نہیں ہونےدیں گےاور نہ ہی کشمیرکازپرکوئی پاکستانی کوتاہی برداشت کرےگا۔

بلا ول نے مزید کہا کہ بھٹوشہیدنےکہاتھانیندمیں بھی کشمیرپرغلطی نہیں کرسکتا، مسئلہ کشمیرپرسلیکٹڈنمائندےغلطی پرغلطی کررہےہیں،پورے کشمیرکوجیل میں تبدیل کردیاگیا ہے، ہماری حکومت ہوتی تووزیراعظم پورےملک کاوزیراعظم ہوتااورہماراوزیراعظم کشمیریوں کی آوازدنیاتک پہنچاتا۔

بلاول نے کہا  کہ سلیکٹڈحکومت میں یہ اہلیت نہیں کہ وہ ملکی معیشت سنبھال سکیں، وزیراعظم ہر اعلان پریوٹرن لےلیتےہیں، اس لئے اس حکومت کا کوئی بھی اعتبار کرنے کو تیار نہیں ہے۔