اسلام آباد سمیت ملک کے مختلف شہروں میں  شدید زلزلے  کے باعث  کم از کم 19 افراد جاں بحق اور 150 سے زائد افراد کے زخمی ہونے کی اطلاعات ہیں۔

تفصیلات کے مطابق اسلام آباد کے علاوہ  میرپور آزاد کشمیر ،لاہور، پشاور، مری، جہلم، کالا باغ، حافظ آباد، چینیوٹ، ہری پور اور دیگر علاقوں میں بھی شدید جھٹکے محسوس کیے گئے۔

نیشنل ڈیزاسٹر مینجمنٹ ایسوسی ایشن (این ڈی ایم اے)کے مطابق آزادکشمیر میں زلزلے کے بعد 6 افراد کے جاں بحق ہونے کی اطلاعات  ہیں جبکہ 150 سے زائد افراد زخمی بھی ہوئے ہیں ۔

ترجمان این ڈی ایم اے کا کہنا ہے کہ زلزلے سے آزاد کشمیر کا ضلع میرپور سب سے ذیادہ متاثر ہوا ہے، ملک بھر سے معلومات اکٹھی کررہے ہیں۔

Advertisement

Prelim M5.8 Earthquake Pakistan Sep-24 11:01 UTC, updates https://t.co/5FYdI5qsrQ

— USGS Big Quakes (@USGSBigQuakes) September 24, 2019

امریکی زلزلہ  پیمامرکز کے مطابق زلزلے کی شدت ریکٹر اسکیل پر 5اعشاریہ 8 ریکارڈ کی گئی جبکہ زلزلے کی  گہرائی 10  کلو میٹر تھی ۔ زلزلہ کم از کم 10 سیکنڈ تک محسوس کیا گیا۔

دوسری جانب  سماجی رابطے کی ویب سائٹ ٹوئیٹر پر جاری بیان میں وفاقی وزیر سائنس اینڈ ٹیکنالوجی فواد چوہدری کا کہنا ہے کہ جہلم کے شمال میں 12 کلومیٹر کی دوری پر زمین میں دس کلومیٹر اندر زلزلے کی شدت 7.1 تھی ۔

Advertisement

جہلم کے شمال میں 12 کلومیٹر کی دوری پر زمین میں دس کلومیٹر اندر7.1 magnitude کا زلزلہ تھا، اللہࣿ سب کو اپنی حفاظت میں رکھے

— Ch Fawad Hussain (@fawadchaudhry) September 24, 2019

آرمی چیف جنرل قمر جاوید باجوہ  نےپاک فوج کو فوری طورپر میر پور میں زلزلے سے متاثرہ علاقوں میں امدادی کمک پہنچانے کی ہدایت کی ہے۔

پاک فوج کے شعبہ تعلقات عامہ (آئی ایس پی آر) کے مطابق چیف آف آرمی سٹاف جنرل قمر جاوید باجوہ  نے کہا ہے کہ  ریسکیو آپریشن میں سول انتظامیہ کی مدد کی جائے۔

Advertisement

COAS directs immediate rescue operation in aid of civil administration for victims of earthquake in AJK. Army troops with aviation and medical support teams dispatched.

— DG ISPR (@OfficialDGISPR) September 24, 2019

پاک فوج  نےہیلی کاپٹر اور  طبی امداد کی ٹیمیں روانہ کردی ہیں اور آزاد جموں کشمیر میں امدادی سرگرمیاں شروع کردی گئی ہیں۔