وزیراعلیٰ سندھ سید مراد علی شاہ سے چیئرمین پیمرا محمد سلیم بیگ نے ملاقات کی۔
چیئرمین پیمرا سلیم بیگ نے وزیراعلیٰ سندھ کو ملاقات میں الیکٹرانک میڈیا انڈسٹری کے حوالے سے سالانہ رپورٹ پیش کی۔
ملاقات میں وزیراعلیٰ سندھ نے چیئرمین پیمرا کو صوبہ سندھ میں مکمل تعاون کی یقین دہانی کروائی اور کراچی میں پیمرا آفس کی تعمیر کے لئے پلاٹ مختص کرنے کی بھی یقین دہانی کرائی۔
اس موقع پروزیراعلیٰ سندھ نے ایگزیکیٹیو ممبر پیمرا اشفاق جمانی اور ڈائریکٹر جنرل حاجی آدم بھی ملاقات میں موجود تھے۔
واضح رہے اس سے کچھ دیر قبل کراچی میں میڈیا سے گفتگو کےدوران وزیر اعلیٰ سندھ سید مراد علی شاہ نے کہا تھا کہ یہ ڈھکی چھپی بات نہیں وفاق کراچی پر قبضہ کرنا چاہتا ہے۔
وزیراعلیٰ سندھ سید مراد علی شاہ کا کہنا تھا کہ کچرے کی صفائی جاری ہے، 3 لاکھ ٹن کچرا اٹھا چکے ہیں، ابھی کچھ دن باقی ہیں کچرا اٹھ جائے گا، وفاقی حکومت نے جو کچرا اٹھایا اس کے غلط اعداد پیش کئے گئے ہیں، 1.5 لاکھ ٹن کچرا اٹھانے کا دعویٰ غلط ہے، کراچی سے اٹھایا گیا کچرا وزن کرکے ٹھکانے لگایا جا رہا ہے، 70 فیصد کچرا ان اضلاع میں تھا جہاں سے کچرا اٹھایا نہیں جا رہا تھا۔
وزیراعلیٰ سندھ سید مراد علی شاہ کا مزید کہنا تھا کہ یہ ڈھکی چھپی بات نہیں وفاق کراچی پر قبضہ کرنا چاہتا ہے مگر ہم آئین کے برعکس کوئی کام نہیں ہونے دیں گے اور کراچی کا نام کوئی بھی تبدیل نہیں کر رہا جب کہ علامہ اقبال نے یہ خواب نہیں دیکھا تھا کہ پاکستان میں روزگار دینا تو دور کی بات، لیکن لوگوں کو بیروزگار کر رہے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News