آزاد کشمیر کے شہر میرپور اور اس کے گرد و نواح میں ایک مرتبہ پھر زلزلے کے جھٹکے محسوس کیے گئے ہیں۔

تفصیلات کے مطابق میر پور آزاد کشمیر میں زلزلے کے بعد آنے والے آفٹر شاکس کا سلسلہ جاری ہے، تین اعشاریہ آٹھ شدت کےزلزلے سےمیرپوراوراطراف کے ایک بارپھرعلاقےلرزاٹھے، جس کی وجہ سے لوگ گھروں، اسپتالوں اور عمارات سے باہر آگئے ہیں اور کھلی جگہ پہ کھڑے لوگ کلمہ طیبہ کے ورد کررہے ہیں۔

زلزلہ پیمامرکزکےمطابق زلزلےکی گہرائی پندرہ کلومیٹراورمرکز جہلم سےبارہ کلومیٹرشمال مغرب میں تھا۔

زلزلے سےمتاثرہونےوالی عمارت آفٹرشاکس کی تاب نہ لاسکی اور زمیں بوس ہوگئی جبکہ پاک فوج،پولیس اور ریسکیوعملےنےملبےسےتین افرادکونکال لیا ۔

 تمام متعلقہ ادارے اس وقت الرٹ ہیں اور وہ دیگر علاقوں سے بھی اس ضمن میں معلومات اکھٹی کررہے ہیں۔

 واضح رہے کہ گزشہ ماہ چوبیس ستمبرکوآنےوالے زلزلے میں چالیس افراد جاں بحق ہو ئے تھے جبکہ زلزلےسےسڑکیں،پل اورانفرااسٹرکچرتباہ ہوگیاتھا۔

زلزلے کی شدت 5.8 ریکارڈ کی گئی تھی، زلزلہ پیما مرکز کے مطابق زلزلے کا مرکز جہلم کے 5 کلومیٹر شمال میں تھا اور گہرائی 10 کلو میٹر تھی۔

زلزلہ راولپنڈی، لاہور، کالا باغ، سانگلہ ہل، گجرات، چنیوٹ، سرگودھا، ظفر وال، شاہ کوٹ، گوجرانوالہ، سیالکوٹ، فیصل آباد، صوابی، پھالیہ، سرائے عالمگیر، شکر گڑھ، نور پور تھل، پشاور، پنڈی بھٹیاں، نارووال، پسرور، شیخو پورہ، سمندری، قصور، جہلم، مری، کوٹ مومن، خیبر، ایبٹ آباد، سکھیکی، سوات، مردان، اوکاڑہ اور بونیر میں محسوس کیا گیا تھا۔

ننکانہ صاحب، قائد آباد، ڈسکہ، جڑانوالہ، شانگلہ، باجوڑ، مظفر آباد، اسکردو، میرپور آزاد کشمیر اور مضافات میں بھی زلزلے کے شدید جھٹکے محسوس کیے گئے۔

 زلزلے کے جھٹکے 10 سیکنڈ تک محسوس کیے گئے تھے۔