وزیرخارجہ شاہ محمود قریشی نے کہا کہ امید ہے برطانوی شاہی جوڑے کا دورہ پاکستان بہت اچھا رہے گا، برطانوی شاہی جوڑے کو پاکستان آمد پر خوش آمدید کہتا ہوں، برطانوی شاہی جوڑے کا دورہ خیرسگالی کا ہے۔

تفصیلات کے مطا بق وزیر خارجہ شا ہ محمو د قریشی نے بر طا نو ی شا ہی جو ڑے کے دورہ پا کستان پر اپنا رد عمل دیتے ہو ئے کہا ہے کہ ‏برطانوی شہزادہ ولیم اور ان کی اہلیہ آج رات پاکستان پہنچیں گے, شاہی جوڑے کی آمد سے دونوں ممالک کے مابین تاریخی تعلقات مزید مستحکم ہونگے ، دورہ پاکستان کے تمام انتظامات مکمل کر لئے گئے ہیں۔

ذرائع کے مطا بق شا ہ محمو د قریشی نے کہا کہ شاہی خاندان کا یہ وفد پاکستان کے مختلف علاقوں کا دورہ کرنے کے ساتھ ساتھ پاکستان کی سیاسی قیادت سے بھی ملاقات کرے گا ،برطانوی شہزادہ ولیم اور انکی اہلیہ کیٹ مڈلٹن کا یہ دورہ ء پاکستان، امن و امان کی بہتر صورتحال پر اعتماد کا اظہار ہے۔

وزیر خارجہ نے مزید کہا کہ شہزادہ ولیم اورشہزادی کیٹ نوجوان نسل کے ترجمان ہیں، برطانوی شاہی جوڑے کا پاکستان کا سفر خوشگوار گزرے گا۔ 

وا ضح رہے کہ شہزادہ ولیم اور انکی اہلیہ کیٹ میڈلٹن آج ،رات پاکستان پہنچ رہے ہیں۔

برطانوی ہائی کمیشن کے مطابق برطانوی شاہی جوڑا پیر کی رات پا کستان پہنچیں گے جہاں ایک وفاقی وزیر، دفتر خارجہ حکام اور برطانوی سفیر ریڈ کارپٹ پر انکا پر تپاک استقبال کرینگے۔

شاہی جوڑے کے ہمراہ محافظین، طبی ماہرین اور چالیس سے زائد صحافی بھی پاکستان پہنچیں گے، 15 اکتوبر کو شہزادہ ولیم اور کیٹ مڈلٹن کی صدرِپاکستان اور وزیراعظم عمران خان سے ملاقاتیں بھی ہو گی۔

ذرائع کے مطابق نور خان ایئر بیس پر برطانوی شاہی جوڑے کو گارڈ آف آنر پیش کیا جائے گا۔

برطانوی شاہی جوڑے کا یہ پہلا باضابطہ سرکاری دورہ پاکستان ہوگا جو پاک برطانیہ تعلقات کو مزید فروغ دے گا، برطانیہ کا شاہی جوڑا لاہور سمیت ملک کے مختلف علاقوں کا دورہ کرے گا۔

شاہی جوڑا پاکستان کے مختلف شعبہ ہائے زندگی سے تعلق رکھنے والے افراد، برطانوی اور پاکستانی عسکری حکام سے ملاقاتیں بھی کرے گا۔

اس سے قبل شاہی رہائش گاہ کینسنگٹن پیلس کی جانب سے بھی پرنس ولیم اور کیٹ مڈلٹن کے دورہ پاکستان کی تصدیق کی جا چکی ہے، اس دورے کی درخواست برطانوی وزارت خارجہ اور دولت مشترکہ کے دفتر کی جانب سے کی گئی تھی۔