وزیراعظم کی معاون خصوصی برائےاطلاعات فردوس عاشق اعوان کاکہناہےکہ آزادی مارچ میں جدید آتشی اسلحے کی موجودگی پر تشویش ہے،جمہوریت کا دعویٰ کرنے والوں کے ہاتھ میں کلاشنکوف کا کیا مطلب ہے۔

تفصیلات کے مطابق معاون خصوصی برائے اطلاعات فردوس عاشق اعوان نے سماجی رابطے کی ویب سائٹ ٹویٹر پراپنےبیان میں کہا کہ حکومت نے جمہوری روایات کےتحت احتجاج کا حق دیا۔

ڈاکٹرفردوس عاشق اعوان کاکہناہے کہ آزادی مارچ میں جدید آتشی اسلحے کی موجودگی پر تشویش ہے، جمہوریت کا دعویٰ کرنے والوں کے ہاتھ میں کلاشنکوف کا کیا مطلب ہے۔

معاون خصوصی اطلاعات فردوس عاشق اعوان نے کہا کہ ڈنڈوں، اسلحے کی موجودگی پرذمہ داری مولانا فضل الرحمان پر ہے۔

معاون خصوصی نےکالعدم تنظیم کی جانب سےبارکھان میں لیویز پر کیے جانے والے حملے کی مذمت کی۔

خیال رہے کہ آزادی مارچ سے متعلق اس سے قبل معاون خصوصی نے کہاتھاکہ مولانافضل الرحمان اپنی انا، ضد اور ذات کے خول سے باہر نکلیں، پاکستان کو درپیش چیلنجز کے تناظر میں اتحاد اور یکجہتی وقت کی اہم ضرورت ہے۔

انہوں نےکہاکہ مولانافضل الرحمان کےآزادی مارچ سےمتعلق بیان دیتےہوئےڈاکٹرفردوس عاشق اعوان نےکہاکہ قومی ترقی کےحصول اور پاکستان کو عظیم تربنانے کیلئےسب کو مل کرکاوشیں کرنا ہوں گی۔

انہوں نےکہاکہ امن کے لئے قوم نے بہت بھاری قیمت دی ہےاورہزاروں جانوں کی قربانی سے ملک میں امن کے دیے روشن ہوئے۔

معاون خصوصی کامزید کہناتھا کہ مولانافضل الرحمان امن کے چراغ کیوں بجھانا چاہتے ہیں؟ جمہوریت میں مذاکرات ہی غلط فہمیوں کے خاتمے اور اتفاق رائے پیدا کرنے کا واحد راستہ ہے۔بات چیت سے ہی مسائل کا حل نکلتا ہے۔