آزادی مارچ کے معاملات کو حتمی شکل دینے کے لئے شہبازشر یف اور مولانا فضل الرحمن کی ملا قات طے پا گئی ہے۔

تفصیلات کے مطابق مسلم لیگ ن کے صدراور اپو زیشن لیڈر شہبازشر یف اور جمعیت علمائے اسلام کے سربراہ مولانا فضل الرحمن کل لاہور میں ملاقات کریں گے جس کے بعد دونوں رہنما مشترکہ پریس کانفرنس میں آزادی مارچ سے متعلق اپنے آئندہ کے لائحہ عمل کا اعلان کریں گے۔

ذرا ئع کے مطا بق آزادی مارچ کے حوالے سے مشترکہ لائحہ عمل کا اکٹھے اعلا ن کرنے کے لئے مسلم لیگ ن کے صدر شہبازشریف اور مولانا فضل الرحمن نے کل بروز بدھ لاہور میں مشترکہ پریس کانفرنس پر اتفاق کر لیا ہے۔

اس سلسلے میں مولانا فضل الرحمن،مسلم لیگ ن کے صدراور اپو زیشن لیڈر شہبازشریف کی دعوت پرلاہور کا دورہ کریں گے اور دو نو ں رہنما وفود کی سطح پر اجلاس میں شرکت کریں گے۔

ذرا ئع کے مطا بق مولانا فضل الرحمن آج شام اپنے لاہور کے پلان کے حوالے سے لیگی قیادت کو آگاہ کرینگے۔

ذرا ئع کے مطا بق شہبازشریف اس ملاقات کے بعد، مولانا فضل الرحمن کے ساتھ آزادی مارچ میں بھرپور شرکت کا بھی اعلان کریں گے۔

وا ضح رہے کہ جے یو آئی (ف) نے 27 اکتوبر کو اسلام آباد کی طرف مارچ کا اعلان کیا ہے، مولانا فضل الرحمان کا کہنا ہےکہ  ملک بھر سے مظاہروں کے ساتھ اسلام آباد کی طرف آزادی مارچ شروع ہوگا۔

جمعیت علمائے اسلام (ف) کے سربراہ مولانافضل الرحمان کا اس با رے میں مزید کہنا ہے کہ اسلام آباد جانا ہمارا آخری اور حتمی فیصلہ ہے، اب یہ جنگ حکومت کے خاتمے پر ہی ختم ہوگی، ہماری جنگ کا میدان پورا ملک ہوگا، ملک بھر سے انسانوں کا سیلاب آرہا ہے۔