حکومت کا عید میلاد النبی ﷺ شایان شان طریقے سے منانے کا فیصلہ

شہباز احمد

31st Oct, 2019. 07:51 pm
شيئر
- Font size
  - Small
  - Medium
  - Large
- Dark Mode
- Save
- Print
- 0
  Comments

آرٹیکلز

Now Reading:

حکومت کا عید میلاد النبی ﷺ شایان شان طریقے سے منانے کا فیصلہ

حکومت نے ملک بھر میں عید میلاد النبی ﷺ کو شایان شان طریقے سے منانے کا فیصلہ کرلیا۔

تفصیلات کے مطابق وزیرِ اعظم عمران خان نے عید میلاد النبی ﷺ کو شایان شان طریقے سے منانے کا فیصلہ کرتے ہوئے وزارتِ مذہبی امور اور بین المذاہب ہم آہنگی کو بین الاقوامی رحمتہ اللعالمین کانفرنس منعقد کرانے کی ہدایت کردی ہے۔

آنحضور ﷺ کی سیرت اور تعلیمات کو اجاگر کرنے کے لئے وزیر اعظم نےتمام صوبائی حکومتوں کو صوبائی، ڈویژن اور ضلعی ہیڈکوارٹرز کی سطح پر سیرت کانفرنس و دیگر پروگرامز کا انعقاد کرانے کی ہدایت کی ہے۔

وزیرِ اعظم نے وزارتِ مذہبی امور اور بین المذاہب ہم آہنگی کو ہدایت کی سیرت کے حوالے سے تحریری مقابلے، سیرت مجالس، سیمینار، نعت اور قرآت مجالس کا انعقاد کیا جائے۔

وزارت مذہبی امور کا کہنا ہے کہ وزیرِ اعظم کی ہدایات تمام محکموں، خودمختار اور نیم خودمختار اداروں اور ذیلی اداروں تک پہنچائی جائیں گی۔

وزیراعظم عمران خان کا کہنا ہے کہ ملک بھر میں عید میلاد النبی ﷺ بھرپور اور شایان شان طریقے سے منایا جائے گا۔