وزیراعظم عمران خان نے کہا ہے کہ پاک چین تعلقات مضبوط سے مضبوط تر ہورہے ہیں اور میں ہمیشہ چین کی ترقی اور کرپشن کیخلاف جدوجہد کا معترف رہا ہوں۔

تفصیلات کے مطابق وزیراعظم عمران خان نے چین کی 70 ویں قومی دن پر سماجی رابطے کی ویب سائٹ ٹوئٹر پر اپنی ایک ٹوئٹ میں کہا کہ پاکستانی قوم کی جانب سے ہمارے حقیقی اور غیرمتزلزل دوست چین کو مبارکباد دیتا ہوں۔

Today on the 70th Anniversary of the People's Republic of China I want to extend our nation's greetings to our true & steadfast friend China. I have always admired China's development & fight against corruption.

— Imran Khan (@ImranKhanPTI) October 1, 2019

اپنی ٹوئٹ میں وزیراعظم عمران خان کا کہنا تھا کہ پاکستان اورچین گہرے دوست اور ہمسائےہیں، چین کی معاشی کامیابی ترقی پذیر ممالک کے لئے مثال ہے۔

وزیراعظم عمران خان کا مزید کہنا تھا کہ چین پاکستان سی پیک اور اسٹریٹجک شراکت داری کا فروغ چاہتے ہیں، چین کے ساتھ تعلقات کو پاکستانی عوام خصوصی اہمیت دیتے ہیں۔

دوسری طرف عمران خان آئندہ ہفتے تین روزہ دورے پر چین جائیں گے، اپنے دورے کے دوران وزیراعظم اپنے دورہ چین کے دوران صدر شی جن پنگ سمیت اعلیٰ چینی قیادت سے ملاقات کریں گے اور وزیراعظم چینی قیادت کا مسئلہ کشمیر پر حمایت پر شکریہ ادا کریں گے۔

وزیراعظم کے دورہ چین کے دوران متعد مفاہمتی یادہاشتوں پر بھی دستخط کیے جائیں گے جبکہ سی پیک کی پیش رفت پر بھی بات چیت ہوگی۔