پاکستان کے صوبہ پنجاب کے ضلع نارووال کی تحصیل شکرگڑھ کی کچہری میں لڑکی پر تشدد کی ویڈیو وائرل ہونے کے بعد پولیس نے تین وکلا سمیت 8افراد کے خلاف مقدمہ درج کر لیا ہے تاہم تاحال کسی بھی ملزم کو گرفتار نہیں کیا جا سکا۔

وزیراعلیٰ پنجاب سردار عثمان بزدار نے لڑکی پر تشدد کے واقعہ پر ڈی پی او نارووال سے رپورٹ طلب کی ہے اور واقعہ کے ذمہ داروں کے خلاف قانون کے تحت کارروائی کا حکم دیا ہے۔ انہوں نے ہدایت کی ہے کہ بروقت کارروائی نہ کرنے والے پولیس اہلکاروں کے خلاف بھی قانون کے مطابق ایکشن لیا جائے۔

Lawyer tortured this lady in #ShakarGarh, #Narowal District, #Punjab on 29th October

FIR lodged pic.twitter.com/5bFY7877IE

Advertisement

— SherY (@SherySyed2) October 30, 2019

شکر گڑھ کے تھانہ سٹی  میں  ملزمان کے خلاف مقدمہ تشدد کا نشانہ بننے والی لڑکی امرت شہزادی کے چچا زاد بھائی عبدالقیوم کی مدعیت میں درج کیا گیا ہے۔ملزمان یاسر خان ایڈووکیٹ، عاطف سلطان ایڈووکیٹ اور وسیم لطیف ایڈووکیٹ کی گرفتاری کے لیے چھاپے مارے جا رہے ہیں۔

لڑکی پر تشدد کا واقعہ شکر گڑھ کچہری میں عبدالعزیز انصاری ایڈووکیٹ کے چیمبر کے سامنے پیش آیا۔

سوشل میڈیا پر لڑکی پر تشدد کی ویڈیو سامنے آنے کے بعد صارفین نے سخت غم و غصے کا اظہار کیا ہے۔

صارفین کا کہنا ہے کہ بہت شرم کی بات ہے کہ پڑھے لکھے اور عوام کا دفاع کرنے والے اس ملک میں بدمعاش بنے ہوئے ہیں۔ صارفین نے مطالبہ  کیا ہے کہ اس ویڈیو کو عدالت تک پہنچائیں اور ان ظالموں کو سزا دلوائیں۔