وزیراعظم پاکستان عمران خان کی زیر صدارت وزیر اعلی ہاؤس میں محکمہ خوراک پنجاب کے متعلقہ امور کا اجلاس ہوا۔

اجلاس میں وزیراعظم عمران خان کو صوبائی وزیر خوراک سمیع اللہ چوہدری نے گندم کی قیمت سے متعلق بریفنگ دی۔

وزیراعظم نے اجلاس میں محکمہ خوراک پنجاب کی ایک سالہ کارکردگی اور پنجاب میں آٹے کی قیمتیں کنٹرول کرنے کے لئے کئے جانے والے اقدامات کو سراہا۔

وزیراعظم عمران خان نے صوبائی وزیر خوراک اور صوبائی سیکرٹری خوراک کو گندم کی قیمت  کے حوالے سے بھی بریفنگ دیتے ہوئے کہا کہ صوبے بھر میں اشیائے خوردنوش اور خصوصا گندم اور آٹے کی قیمتوں کو کم سے کم رکھنے کو یقینی بنانے کے لئے خصوصی اقدامات کیے جائیں تاکہ انکو آسانی سےغریب عوام کی دسترس میں لایا جا سکے۔

اس موقع پر وزیراعلی پنجاب سردار عثمان بزدار،صوبائی وزیر خوراک سمیع اللہ چوہدری،چیف سیکرٹری پنجاب یوسف نسیم کھوکھر،وفاقی مشیر اطلاعات فردوس عاشق اعوان کے علاوہ دوسرے اعلی حکام بھی اجلاس میں شرکت شریک ہوئے۔

دوسری جانب وزیراعظم عمران خان کی زیر صدارت پنجاب  میونسپل سروسز پروگرام  کے حوالے سے اعلیٰ سطحی اجلاس بھی ہوا، جس میں لوکل گورنمنٹ سسٹم پر عملدرامد کے سلسے میں اب تک کی  پیش رفت سے آگاہ کیا گیا جبکہ وزیر اعظم کو پنجاب میونسپل سروسز پروگرام کے بارے میں تفصیلی بریفنگ دی گئی۔

اس موقع پر حکومت پنجاب کے لوکل گورنمنٹ اینڈ  کمیونٹی ڈویلپمنٹ ڈیپارٹمنٹ کے اعلی عہد داران نے وزیراعظم کو بریفنگ دیتے ہوئے کہا کہ ویلیج پنچایت اور نیبر ہڈ کونسل کے الیکشن مارچ 2020 اور لوکل میونسپل اور تحصیل کونسل کے انتخابات مئی 2020تک منعقد کیے جائیں گے۔

عمران خان نے لوکل گورنمنٹ سسٹم  کو جلد از جلد عملدرآمد کرنے پر زور دیتے ہوئے کہا کہ مقامی حکومتوں کے نظام سے موجودہ حکومت  پاکستان میں ایک انقلاب لے کر آئی ہے۔

وزیراعظم عمران خان کا مزید کہنا تھا کہ ہمارے شہر اس وقت تک صحیح نہیں ہو سکتے جب تک ان میں موثر انتظامی نظام قابل عمل نہیں ہوتا، لوکل گورنمنٹ سسٹم کا مقصد عوام کو نچلی سطح پر مکمل طور پر بااختیار بنانا ہے کیونکہ اس کے زریعے تعمیر و ترقی کے فیصلے اور اپنے مسائل خود حل کرسکیں گے۔

 اس موقع پر وزیر تعلیم شفقت محمود، معاون خصوصی ڈاکٹر فردوس عاشق اعوان، وزیرِ اعلیٰ پنجاب سردار عثمان بزدار، وزیر قانون پنجاب محمد بشارت راجہ ، صوبائی  وزیرِ خزانہ مخدوم ہاشم جوان بخت، وزیر برائے ہاؤسنگ میاں محمود الرشید،  چیف سیکرٹری پنجاب نسیم یوسف کھوکھر جبکہ چئیرمین پلاننگ اینڈ ڈویلپمنٹ حبیب الرحمان، صوبائی سیکرٹری صاحبان اور دیگر سینئر افسران بھی شریک ہوئے۔