بر طا نوی شا ہی جو ڑے کی وزیر اعظم ہاؤس آمد پر وزیر اعظم عمران خان نے ان کا پر تپاک استقبال کیا۔

تفصیلات کے مطابق برطانوی شہزادہ ولیم اور ان کی اہلیہ شہزادی کیٹ میڈ لٹن وزیراعظم عمران خان سے ملاقات کر رہے ہیں، ملاقات کے بعد عمران خان شاہی جوڑے کے اعزازمیں ظہرانہ بھی دیں گے۔

ذرائع کے مطابق شہزادہ ولیم اور کیٹ میڈلٹن کی صدر عارف علوی سے ملاقات 12 بجے  ہوئی ،جس کے بعد یہ شاہی جو ڑا اب وزیر اعظم ہاوس پہنچ گیا ہے۔

واضح رہے کہ برطانوی شہزادہ ولیم اور ان کی اہلیہ کیٹ میڈلٹن کل رات اسلام آباد پہنچے ہیں ، جن کا طیارہ نور خان ائیر بیس پر اترا جہاں وزیر خارجہ شاہ محمود قریشی نے ان کا پرتپاک استقبال کیا۔

وزیر خارجہ شاہ محمود قریشی کا اس سلسلے میں کہنا ہے کہ شاہی مہمانوں کی آمد سے پاک برطانیہ تعلقات مزید مستحکم ہوں گے،شاہی خاندان کا یہ وفد پاکستان کے مختلف علاقوں کا دورہ کرنے کے ساتھ پاکستان کی سیاسی قیادت سے ملاقات بھی کرے گا۔

شاہ محمودقریشی کا مزید کہنا ہے کہ شاہی جوڑےکادورہ پاکستان تاریخی اہمیت کاحامل ہے، ان کی  آمدسےپاکستان کامثبت چہرہ سامنےآئے گا اوردوطرفہ تعلقات مزیدمستحکم ہوں گے۔

برطانوی شاہی جوڑا 4 روزہ دورے پر پا کستان آیا ہےجن کا یہ پہلا دورہ پاکستان ہے۔

برطانوی شاہی جوڑا 17 اکتوبر کو چترال بھی جا ئے گا،جہاں ایک روز گزارنے کے بعد 18 اکتوبر کی دوپہر ڈیڑھ بجے وطن واپس روانہ ہوجا ئیں گے۔