وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ چین کے وزیراعظم لی کی چیانگ اور وزیراعظم عمران خان کا گرمجوشی کا انداز آئرن برادرز کی عظیم دوستی کا مظہر ہے۔

تفصیلات کے مطابق سما جی را بطے کی ویب سائٹ ٹو ئٹر پر اپنے ٹویٹ میں ڈاکٹر فردوس عاشق اعوان نے کہا ہے کہ پاک چین دوستی خطے اور دنیا میں ایک مثال اور امن و ترقی کی علامت ہے، عمران خان کا عظیم عوامی ہال آمد پر پرتپاک استقبال گہرے رشتے کا درخشاں باب ہے۔

چین کے وزیراعظم لی کی چیانگ اور وزیراعظم عمران خان کا گرمجوشی کا انداز آئرن برادرز کی عظیم دوستی کا مظہر ہے۔ یہ دوستی خطے اور دنیا میں ایک مثال اور امن وترقی کی علامت ہے۔

— Dr. Firdous Ashiq Awan (@Dr_FirdousPTI) October 9, 2019

فردوس عا شق کا کہنا ہے کہ دونوں رہنماؤں کی ملاقات سے مختلف شعبوں میں دوطرفہ تعاون میں مزید وسعت کا باعث بنے گی، چینی وزیراعظم نے عمران خان کے سی پیک منصوبوں پر تیز رفتاری سے تکمیل کے عزم پر شکریہ ادا کیا ہے، سی پیک اتھارٹی کا قیام اس امر کا ثبوت ہے کہ حکومت سی پیک منصوبوں پر موثر عمل درآمد کو یقینی بنانے کے لیے پرعزم ہے۔

وزیراعظم کا ملاقات میں مقبوضہ جموں کشمیر میں انسانی حقوق کی سنگین صورتحال اور انسانی بحران پر گفتگو آئینہ دار ہے کہ عمران خان ہر محاذ پر کشمیریوں کے حق کیلئے ڈٹ کر کھڑے ہیں۔

— Dr. Firdous Ashiq Awan (@Dr_FirdousPTI) October 9, 2019

معاون خصوصی برائے اطلاعات و نشریات کا کہنا ہے کہ وزیراعظم کا ملاقات میں مقبوضہ جموں کشمیر میں انسانی حقوق کی سنگین صورتحال اور انسانی بحران پر گفتگو اس بات کا آئینہ دار ہے کہ عمران خان ہر محاذ پر کشمیریوں کے حق کیلئے ڈٹ کر کھڑے ہیں۔