فضل الرحمان کےپلان بی کااعلان،لاہورپولیس حرکت میں آگئی

ثمرا مظہر

13th Nov, 2019. 01:07 pm
شيئر
- Font size
  - Small
  - Medium
  - Large
- Dark Mode
- Save
- Print
- 0
  Comments

آرٹیکلز

Now Reading:

فضل الرحمان کےپلان بی کااعلان،لاہورپولیس حرکت میں آگئی

جمعیت علمائےاسلام (ف)کےمولانافضل الرحمان کی پلان بی کی آڑ میں ملک بھرکی اہم شاہراہیں بند کرنے کی کال کے اعلان پرلاہور پولیس نے بھی کمر کس لی۔
تفصیلات کےمطابق جےیوآئی (ف) کےپلان بی سےنمٹنےکیلئےلاہور پولیس نےحکمت عملی تیارکرلی ہے۔
ذرائع کے مطابق لاہورپولیس کے افسران اوراہلکاروں کی چھٹیاں منسوخ کردی گئی ہیں۔
ذرائع نےبتایاکہ ایس پیز، ڈی ایس پیز،ایس ایچ اوز پلان بی کی کال کے بعد رات گئےسےاب تک تھانوں اور دفاتر میں موجود ہیں۔
زرائع نے بتایا کہ لاہور کے تمام داخلی اور خارجی راستوں پر پولیس کی بھاری نفری تعینات کر دی گئی ہےجس میں ٹھوکر، بابوصابو اور شاہدرہ میں پولیس کی بھاری نفری تعینات کر دی گئی۔

پولیس ذرائع کاکہناہے کہ پہلےمرحلے میں کارکنان کوشہر میں داخل ہونےسےبھرپورطریقے سے روکا جائےگا۔
واضح رہے کہ گزشتہ روزمولانا فضل الرحمان نے کہا ہے کہ اب سے پلان بی شروع کیاجارہاہے۔
مولانا فضل الرحمان نے آزادی مارچ سے خطاب میں کہا ہے کہ پلان بی کے لیے گھروں سے نکل پڑیں جب سب نکلیں گے تو ان کا حکومت۔میں رہناممکن نہیں ہوگا ۔
انکا کہنا تھا کہ پلان بی میں بھی آپ کے ساتھ ہونگا اورآپکے ساتھ شانہ بشانہ لڑونگا کوئی قانون کو ہاتھ میں نہیں لینا چاہتے ہیں۔
حکومت پر تنقید کرتے ہوئے مولانا کا کہنا تھا کہ پلان بی کے لیے گھروں سے نکل پڑیں، جب سب نکلیں گے تو ان کا حکومت میں رہنا ممکن نہیں ہوگا ۔