سانحہ اے پی ایس میں دہشت گردوں اور موت کو شکست دینے والے طالب علم احمد نواز نے ایک بار پھر پاکستانی قوم کا سرفخر سے بلند کر دیا ہے۔

تفصیلات کے مطابق لندن میں سانحہ اے پی ایس کے بہادر زخمی اور ذہین طالب علم احمد نواز نے 2019کا لیگیسی ایوارڈ حاصل کرلیا ہے۔

ذرائع کے مطابق احمد نواز کو کینزنگٹن پیلیس میں مدعوکیا گیا، جہاں انہوں نے شہزادہ ولیم سےبھی ملاقات کی۔

I’m extremely honoured to be awarded ‘The Legacy award 2019’ for my global campaign.
It was an absolute pleasure to be invited by HRH Prince Williams to @KensingtonRoyal for tea and share my work for young people with him.
He told me that he loved his recent visit to Pakistan 😊 pic.twitter.com/g31oztaMoL

— Ahmad Nawaz (@Ahmadnawazaps) November 27, 2019

یاد رہے کہ رواں سال جولائی میں  سانحہ اے پی ایس میں موت اور دہشت گردوں کو شکست دینے والے طالب علم احمد نواز کو لندن میں ڈیانا ایوارڈ سے بھی نوازا گیا تھا، جو کہ اس نو جوان کو نوجوانوں کی تعلیم کے حوالے سے ان کی خدمات پر یہ ایوارڈ دیا گیا۔

برطانوی وزیراعظم کی جانب سے جاری کردہ خط میں انتہاپسندی کے خلاف احمد نواز کی خدمات کا اعتراف کرتے ہوئے کہا تھا اس مہم میں احمدنواز نےگرانقدرکام کیا۔

اس کے علا وہ احمد نواز کو برطانیہ اور یورپ کا ینگ پرسن آف دی ایئر، ایشیا انسپائریشن ایوارڈ اور درجنوں دیگر ایوارڈز سے نوازا جا چکا ہے۔

مزیدپڑھیں،ہمیں اے پی ایس یاد ہے

واضح رہے 16 دسمبر 2014 کو پشاور آرمی پبلک اسکول میں دہشت گردوں نے علم کے پروانوں کے بے گناہ لہو سے وحشت و بربریت کی نئی تاریخ رقم کرتے ہو ئے خون کی ہولی کھیلی تھی، جو کہ پا کستان کی تا ریخ کا سیاہ ترین دن ہے۔

APS survivor M. Waleed Khan, after plastic (fat grafting )surgery.
This is his 12th surgery after the horrendous attack on APS on 16th Dec,2014.
Get well soon ⁦@WaleedKhanAPs⁩ pic.twitter.com/eAzjdBFLLj

Advertisement

— Ziauddin Yousafzai (@ZiauddinY) November 6, 2019

اس دردناک سانحے اور دہشت گردی کے سفاک حملے میں 147 افراد شہید ہوگئے تھے، جس میں 132 بچے بھی شامل تھے تاہم زخمی ہونے والے طالب علم احمد نواز کو حکومت نے سرکاری خرچ پر 2015 میں علاج کے لیے برطانیہ بھیجا تھا، جہاں اُن کا علاج کوئین الزبتھ اسپتال میں ہوا، برطانوی ڈاکٹرز نے احمد نواز کا علاج کیا جس کے بعد وہ صحت مند زندگی کی طرف لوٹے اور پھر لندن میں ہی تعلیم کا آغاز کیا۔