سکھ مذہب کے بانی بابا گورونانک کے 550 ویں جنم دن کی تین روزہ تقریبات گوردوارہ جنم استھان ننکانہ صاحب میں اختتام پذیر ہوگئیں۔

تفصیلات کے مطابق سکھ یاتریوں نے کرتار پورراہداری کھولنے اور جنم دن تقریبات کے لئے بہترین انتظامات کرنے پر وزیراعظم پاکستان اورآرمی چیف کا شکرادا کیا۔

کرتارپور راہدارہ کھولنے پر سک یاتری خوشی سے نہال نظر آئے، اس موقع پر سکھ یاتری کا کہنا تھا کہ جو پیار ہمیں یہاں ملا ہے انڈیا سے نہیں ملا، ہم عمران خان اورآرمی چیف اور پاکستانی عوام کے مشکور ہیں۔

آخری روز ہو نے والی مرکزی تقریب میں وفاقی وزیر مذہبی امور پیر نور الحق قادری ، وفاقی وزیر داخلہ اعجاز احمد شاہ اور گورنر پنجاب سمیت دیگر  رہنماوں نے  بھی شرکت کی۔

دوسری جانب بابا گرو نانک کے پانچسو بچاسیویں جنم دن کے موقع  پر گورنر سندھ عمران اسماعیل بھی شیری نارین مندر پہنچے تو سکھ برادری نے گورنر سندھ کا استقبال کیا۔

گورنر سندھ عمران اسماعیل نے سکھ برادری اور ہندو برادری کو بابا گرو نانک کے جنم دن پر مبارک دیتے ہوئے کہا کہ آج بھارت کو سوچنا چاہئیے کہ پاکستان پرامن ملک ہے۔

عمران اسماعیل کا اس موقع پر کہنا تھا کہ پاکستان گورنمنٹ ہندو برادری کے ساتھ ہمیشہ کھڑی ہے اور عمران خان نے کرتار پور بورڈر کھول  کر پوری دنیا کو امن  پیغام دیا ہے۔

گورنرسندھ عمران اسماعیل کا مزید کہنا تھا کہ اقلیت برادری جو کیسی نے اہمیت نہیں دی جتنی وزیراعظم نے دی ہے جبکہ بابری مسجد کے ساتھ جو بھارت نے کیا اس سے بھارت کا چہرا سب نے سامنے ہے۔

یاد رہے کہ دنیا بھر کی طرح پاکستان میں بھی بابا گرو نانک کے پانچسو پچاسویں جنم کے دن کے موقع پر سکھ برادری بابا گرونانک جنم دن منا ئی گئی۔