ٹریفک قوانین کی خلاف ورزی کرنےوالوں پر گھیرا تنگ ہونےلگا۔

تفصیلات کے مطابق موٹرویزاور نیشنل ہائی ویز پر جرمانوں میں بھاری اضافہ کردیا گیا جبکہ اووراسپیڈینگ پرموٹرسائیکل کو پندرہ سو اور کارکو ڈھائی ہزارروپے جرمانہ ہوگا۔

گزٹ نوٹیفیکیشن کے مطابق اوور سپیڈ پر موٹرسائیکل کو 1500 کار کو 2500 جرمانہ ہو گا جبکہ کمرشل گاڑیوں کو اوور سپیڈ پر 10000 جرمانہ ہوگا۔

اوولوڈنگ پر بھی 10 ہزار روپے جرمانہ کیا جائے گا اور غلط اوور ٹیکنگ پر کار ،موٹرسائیکل کو 1500 جبکہ کمرشل گاڑی کو 3000 روپے جرمانہ ہوگا۔

بے ہنگم ڈرائیونگ پر کار،موٹرسائیکل کو5000،کمرشل گاڑی کو  10000 جرمانہ ہوگا۔غلط یو ٹرن لینے پر کار،موٹرسائیکل کو ایک ہزار،کمرشل گاڑی کو3000 جرمانہ آئڈ ہوگا۔

سیٹ بیلٹ نہ باندھنے پر کار کو 1500 ،کمرشل گاڑی کو 3000 جرمانہ ہوگا۔غلط پارکنگ پر 750 روپے جرمانہ کیا جائے گا۔

گزٹ نوٹیفیکیشن کے مطابق جرمانوں کا اطلاق پہلی جنوری سے ہوگا۔

دوسری جانب سینیٹ کی قائمہ کمیٹی براے مواصلات کی ذیلی کمیٹی کا اجلاس ہوا جس میں موٹرویز پر قوانین کی خلاف ورزی پر جرمانے بڑھانے کا معاملہ پیش آیا۔

اجلاس میں سینیٹر میاں عتیق نے کہا کہ موٹروے پر جرمانے کئی گنا بڑھا دیے گئے ہیں کیونکہ موٹروے پولیس ان جرمانوں سے اپنے لوگوں کو نوازتی ہے۔