ڈاکٹر فردوس عاشق اعوان نے کہا ہے کہ‏ مولانا فضل الرحمن خود فریبی سے نکلیں، عوام کو تنگ نہ کریں،آپ سازش میں ناکام ہو چکے ہیں۔

تفصیلات کے مطا بق سماجی را بطے کی ویب سائٹ ٹوئٹر پر اپنے پیغام میں وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ مولانا کا رات کا خطاب پیپلز پارٹی اور مسلم لیگ ن سے دلبرداشتہ رویئے اور مایوسیوں کا اظہار تھا۔ پہلے دن کہا تھا کہ یہ لوگ آپس میں مخلص نہیں تو قوم سے کیا وفا نبھائیں گے؟

سیاسی تنہائی کا شکار مولانا ذاتی مفادات کی عینک اتار کر دیکھیں تو پتہ چلے گا کہ پاکستان تنہائی کا شکار نہیں۔وزیراعظم عمران خان کی قیادت میں نئے پاکستان کا تشخص پوری دنیا میں ابھر کر سامنے آرہا ہے۔

— Dr. Firdous Ashiq Awan (@Dr_FirdousPTI) November 6, 2019

معاون خصوصی برائے اطلاعات و نشریات حقیقت کا کہنا ہے کہ وزیراعظم عمران خان کی اقوام متحدہ کی تاریخی تقریر نے مولانا کے مذہبی کارڈ، بیانیہ کو پنکچر اور دھرنے کے مقاصد کو زمین بوس کر دیا ہے، مولانا خود فریبی سے نکلیں، عوام کو تنگ نہ کریں ۔

ڈاکٹر فردوس عاشق اعوان نے کہا کہ ‏سیاسی تنہائی کا شکار مولانا ذاتی مفادات کی عینک اتار کر دیکھیں تو پتہ چلے گا کہ پاکستان تنہائی کا شکار نہیں،
وزیراعظم عمران خان کی قیادت میں نئے پاکستان کا تشخص پوری دنیا میں ابھر کر سامنے آرہا ہے۔

مولانا خود فریبی سے نکلیں، عوام کو تنگ نہ کریں۔ آپ سازش میں ناکام ہوچکے ہیں۔عام انتخابات میں ریجیکٹ ہونے والے جتھے کی صورت حقیقی عوامی مینڈیٹ کی توہین اور جمہوری نظام پر حملہ آور نہ ہوں-

Advertisement

— Dr. Firdous Ashiq Awan (@Dr_FirdousPTI) November 6, 2019

وا ضح رہے کہ جمیعت علمائے اسلام کے آزادی مارچ میں شریک مزید دو افراد دل کا دورہ پڑنے سے انتقال کر گئے جبکہ سردی کی شدت سے بیمار ہو کر سینکڑوں افراد پمز اسپتال منتقل ہوگئے ہیں۔

گزشتہ شب ہونے والی بارش نے مارچ کے شرکا کی مشکلات بھی بڑھا دی ہیں جبکہ کئی افراد پنڈال سے جا چکے ہیں۔

شرکا کے پاس گرم ملبوسات نہیں جس کے سبب نزلے زکام جیسی بیماریاں پھیلنے لگی ہیں۔