وزیرمملکت شہریار آفریدی کاکہناہے کہ سابق حکومتوں نےمنشیات کی روک تھام کیلئےاقدامات نہیں کیے۔

تفصیلات کے مطابق پشاورمیں تقریب سےخطاب کرتےہوئےوزیرمملکت شہریارآفریدی کاکہناتھاکہ منشیات کی روک تھام کےلیےاسٹیٹ آف دی آرٹ ٹیکنالوجی کااستعمال نہیں کیاگیا۔

وزیرمملکت کاکہناتھاکہ ہماری نسل کو ڈرگ مافیا تباہ کر رہی ہے،ہم نائن سی سے متعلق قانون سازی کر رہے ہیں۔

انہوں نے کہاکہ ڈرگ مافیا نے عہدوں اور اختیارات استعمال کر کے سسٹم کو نقصان پہنچایا ہے۔

شہریار آفریدی کاکہناتھاکہ سی پیک کوریڈورکوڈرگ فری بنارہےہیں اورمنشیات کی سپلائی روکنے کے لیے جدید ٹیکنالوجی کا استعمال کریں گے، دنیا کو اس سے پاکستان سے متعلق مثبت پیغام جائے گا۔

وزیرمملکت نےکہاکہ منشیات کیخلاف جنگ میں اینٹی نارکوٹکس فورس ودیگرمتعلقہ اداروں کی کاوشیں قابل تعریف ہیں۔

انہوں نےکہاکہ منشیات کے استعمال کے بڑھتے ہوئے رجحان نے ہمارے معاشرے بالخصوص نوجوان نسل کو دیمک کی طرح کھوکھلا کردیاہے۔

شہریارآفریدی کامزیدکہناتھاکہ گزشتہ سال منشیات کی جو بھاری مقدار ضبط کی گئی وہ منشیات کیخلاف حکومت کے عزم اوراے این ایف کی انتھک محنت کو ظاہر کرتی ہے،منشیات کے مکروہ دھندے میں ملوث عناصر کا قلع قمع کرکے قرار واقعی سزا دینے میں کوئی کسر اٹھا نہیں رکھیں گے۔

وزیرمملکت کے مطابق اینٹی نارکوٹکس فورس اپنی قلیل نفری اور محدود وسائل کے باوجود منشیات اوراس مکروہ دھندے میں ملوث افراد کیخلاف بلاامتیاز کارروائی جاری رکھنے ہوئے ہیں۔

ان کاکہناتھا کہ ڈرگ فری سوسائٹی کے وژن کو ہر حال میں عملی جامہ پہنائیں گے۔ منشیات جیسے جرم کی بیخ کنی کیلئے بحیثیت پاکستانی ہم سب کواس کارخیرمیں اپناحصہ ڈالناچاہئے۔

 شہریار آفریدی کے مطابق منشیات کی روک تھام کی کاوشوں کو پوری دنیا تسلیم کرتی ہے،منشیات کیخلاف پاکستان نے 32 ممالک کیساتھ باہمی یاداشت کے معاہدوں پر دستخط کیے ہیں۔

وزیرمملکت کامزیدکہناتھاکہ سی پیک کوریڈورکوڈرگ فری بنا رہے ہیں،منشیات کی سپلائی روکنے کے لیےجلدجدیدٹیکنالوجی کا استعمال کریں گے۔