معاون خصوصی اطلاعات ڈاکٹر فردوس عاشق اعوان نے کہا ہے کہ پاکستان امن کا گہوارہ بننے جا رہا ہے۔

تفصیلات کے مطابق معاون خصوصی اطلاعات ڈاکٹر فردوس عاشق اعوان نے سیالکوٹ میں میڈیا سے گفتگو کرتے ہوئے کہا کہ وزیراعظم ایسی ریاست کو مضبوط کر رہے ہیں جہاں میرٹ ، انصاف اور قانون کی حکمرانی ہوگی۔

 فردوس عاشق اعوان نے کہا کہ پاکستان نہ صرف مسلمانوں کے لئے بلکہ ہر مذاہب کے لئے جنت بننے جا رہا ہے کیونکہ اس ملک کی بنیاد لا الہ اللہ پر رکھی گئی ہیں۔

فردوس عاشق اعوان نے یہ بھی کہا کہ کشمیر میں حق کا پرچم بلند ہو گا کیونکہ کشمیر میں بسنے والے مسلمان جو بھارتی جبر کا سامنا کر رہے ہیں ہم انہیں تنہا نہیں چھوڑیں گے۔

معاون خصوصی اطلاعات نے کہا کہ بھارت پر آرایس ایس قابض ہو چکی ہے جبکہ بھارتی سپریم کورٹ نے گاندھی کے نظریے کو دفن کردیا ہے۔

ڈاکٹر فردوس عاشق اعوان نے یہ بھی کہا کہ بھارت سپریم کورٹ نے بابری مسجد کا فیصلہ دے کر تاریخ کو داغدار کیا جبکہ مسلمانوں کے زخموں کی نمک پاشی کی ہے ۔

فردوس عاشق اعوان کا کہنا تھا کہ بھارتی سپریم کورٹ کے فیصلے نے وہاں بسنے والوں مسلمانوں کو باور کروایا ہے کہ قائد اعظم کا دو قومی نظریہ حق پر مبنی تھا۔

 فردوس عاشق اعوان نے کہا کہ پاکستان اور دنیا بھر کے مسلمانوں کو ولادت حضرت محمد صہ کی مبارک باد پیش کرتے آج عاشقان رسول ص اپنے اپنے انداز میں پیارے نبی ص کے حضور عقیدت کے پھول نچھاور کر رہے ہیں۔

ڈاکٹر فردوس عاشق اعوان نے یہ بھی کہا کہ نبی پاک کی ہستی اللہ اور اس کے بندوں کے درمیان وسیلہ ہیں اور وزیراعظم عمران خان کی ریاست مدینہ کا عزم سیرت نبی ص پرعمل پیرا ہو نا ہے۔

میڈیا سے گفتگو کرتے ہوئے معاون خصوصی اطلاعات ڈاکٹر فردوس عاشق اعوان کا کہنا تھا کہ وزیراعظم سیرت نبی کے مطابق پاکستان کو روڈماڈل بنانا ہے اسلئے حقوق اللہ اور حقوق العباد کی پاسداری کرنا دین اسلام ہے۔

معاون خصوصی اطلاعات ڈاکٹر فردوس عاشق اعوان کا مزید کہنا تھا کہ ریاست مدینہ میں فلاح انسانیت اور انکےحقوق کا تحفظ کرنا ہےاور عمران خان اس مشن کو احساس کے ساتھ لے کر آگے بڑھ رہے ہیں جبکہ عمران خان کی خواہش ہےکہ نوجوان نسل مغربی دنیا کی نہیں بلکہ سیرت نبی کو مشعل راہ بنائیں۔